20 Mar 2007
今日又要上超悶嘅普通話堂! 都唔記得打咗幾多個 今日張先生要返工, 所以又要頭痛今晚食d乜?! 結果........... 就係煮意粉食!
, 相信小寶寶已經逃學, 係六星級酒店入面
, haha...... 
放工歸家途中, 打電俾張先生, 佢竟然話我知佢今晚放假, 都唔知佢講笑定講真, 返返下工放假都有?! 又因為佢講時太認真, 我就覺得更假~~ 都唔知信佢, 還是唔信佢! 佢又話預埋佢個宵夜! 真係搞到似是如非咁! 唯有預埋佢個份!
呢個就係我嘅晚餐啦~~
呢個係明日嘅午餐~~
嘩~~好豐富呀~~ 我又想食
回覆刪除hehe...... 孕婦要食多d嘢麻~~
回覆刪除好正喎!!!!!又夠營養!!!教下我呀!!!!!!
回覆刪除嘩...勁正呀!!! 睇倒都流口水啊 完全係仔仔嘅至愛....蕃茄、粟米、 磨菇、意粉 ...(點解冇咗雞絲?? 因為仔仔唔係禁鍾意食肉)。不過, 撈埋就唔覺架喇!!! 等仔仔好番, 整個佢食先得
回覆刪除二家姐, 好易架咋~~ 材料: 雞脾肉(切絲)、粟米、蕃茄(切細粒)、磨菇、忌廉(今次我用咗鮮奶)、洋蔥(今次用咗蒜蓉)、茄汁(若想酸d就改用茄膏) 1. 粟米磨菇飛一飛水, 跟住琼乾 2. 燒熱鑊, 落牛油, 爆香洋蔥, 落雞絲炒至半熟, 加粟米、蕃茄粒、磨菇, 炒一炒, 加茄汁, 加忌廉, 加水, 煲滾, 加鹽加糖調味 3. 若想要濃d嘅汁, 就加麵粉/生粉水等佢杰d ** 材料份量全憑自己直覺, 所以都唔知點話你知! sorry! ** 忌廉唔好落得太多, 否則d汁會變得好杰架! 杰得濟唔好味! ** 我通常會將雞絲醃一醃, 等佢有味, 唔醃都得嘅~~ haha... 希望你明我寫咩啦! 因為我都係睇下人地d食譜, 再自己加加減減咁!
回覆刪除博博豬, 既然仔仔鍾意食, 你等仔仔好返整佢食啦~~ 好返要食返多d嘢至得!
回覆刪除你好有心機砌到個意粉好靚呀 呢個晚餐好健康喎
回覆刪除砌靚d, 食得都開心d麻~~
回覆刪除e!都好易明喎~~多謝你先!! 得閒再請弘多指教喎~~哈哈
回覆刪除二家姐, 唔好指教啦~~ 我又唔係大師傳! 只不過係一個師奶仔遮, haha........ 我地得閒互相交流交流啦~~
回覆刪除