結婚禮物

8 Mar 2007

休息咗兩日, 好似好返d, 醒神返d~~ haha......

張先生今日要返工, 全日就只得我一個人安坐家中, 無無聊聊咁渡過, 一日多餐唯有自己照顧自己~~

食過午餐, 逛咗一陣街, 諗起朋友仔Ling Ling仲有一個月左右就結婚啦~~ 係時候買返份小禮物送她! 其實份禮物都睇中咗好耐, 成日返屋企時都會經過一間精品店, 見到有一系列嘅hello kitty結婚精品(Ling Ling係kitty粉絲呢~~), 本來睇中咗一個直身嘅中國式kitty相架, 不過係早陣子就消失於櫥窗中!

d結婚相架分中式同西式, 但我比較鍾意中式, 因為特別d~~ 可惜只淨返橫身個款!

點解會買個相架送俾Ling Ling?! 除咗個相架中式得黎幾靚之外, 仲有一個原因嘅~~

自己之前都結咗婚, 發覺擺酒個晚有d都影得幾靚, 但係就無個靚靚相假放張相出黎擺, haha...... 所以送相架雖然無厘特別, 但勝在夠實用麻! 話時話, 自己結婚d相都未肯動身去買d靚靚相簿入起佢添~~ 都一拖再拖, 拖咗好耐囉!

Ling Ling, 希望你鍾意呢份結婚禮物啦! 記住第時放張自己鍾意嘅相入去喎~~ haha......