飯聚

1 Mar 2007

放工約咗清兵飯聚, 都好耐無見佢啦~~ 上次見係我結婚時! 呢位又係小寶寶嘅契媽呢~~ 話事話, 小寶寶可唔可以有咁多契媽嘅呢?!

我地去咗海港城個間翡翠食上海菜, 好好味~~ 我地一坐就坐咗成三個鐘, 但呢三個鐘又唔覺得過咗好耐! 因為實在太耐太耐無坐埋一枱傾計啦~~ 除咗我結婚個日, 再對上一次見佢, 就係兩年幾前佢結婚個日啦! 佢返shift, 實在太忙啦~~ haha......

我地中三嘅時候識到家陣架啦~~ 讀書個陣已經好friend, 一見如故, 好似已經識咗大家好耐咁, 乜都講一大餐呢~~ 讀書時已經約定咗, 大家要做大家個bb嘅契媽呢~~ haha...... 佢結婚先過我, 已經成日叫佢快d生返個bb等我做契媽先, 點知....... 俾佢做咗先喎!

呢三個鐘, 我地傾咗好多嘢呢~~ 因為實在太耐無坐埋一齊, 身邊都發生咗不少事呢~~ 所以呢三個鐘都好快過! haha......... 可能下次見面, 就係小寶寶出世時囉~~