禮拜五、六

9 Mar 2007

放咗工同張先生去咗沙田逛街, 其實今次逛街係有目的嘅~~

就係要買個熱水壺! 屋企個熱水壺實在太細啦, 好快就飲晒又要煲! 於是索性買個大嘅!唔駛咁麻煩! 又因為張先生唔鍾意用電熱水煲, 因為長時間煲住d水唔好, 所以買咗個價值$199淨係保溫嘅壺返屋企!

買水壺嘅事, 當然臨走先至去買啦! haha...... 買水壺之前, 我地當然醫飽個肚先啦~~ 我地去咗雪國度食! 好耐無食過日本菜啦! 難得張先生肯去食! (更係啦~~ 個定食都無刺身嘅~~ 淨係有壽司, 都係熟嘢之麻!)

食飽飽就去西田閒逛, 西田又唔知搞乜, 有部份又裝修, 搞到無咩嘢好行! 見到d BB仔用品做Promotion, 咪去八下, 睇下d價錢! 見到d BB仔嘢好開心, 細細件嘅衫仔, 靚靚嘅床仔, 食mum mum嘅奶樽仔...... 不過都係淨係睇! 仲去埋荷花睇下, 見到d BB床圍欄床鋪好靚呢~~ 望落去已經覺得舒服, 我都想瞓下, haha...... 不過d BB仔嘢實在唔平呀! 睇黎張氏夫婦都要慳d, 儲多d錢至得掂呀!!!

唔行得耐嘅我, 逛咗一陣, 買埋個水壺就返屋企!

************************************************************************************************

10 Mar 2007

星期六, 要返工, 雖然返得個三個鐘, 但呢三個鐘都幾難過呀! 因為星期六無乜同事返工, 成個office靜應應咁! 加上要看counter嘅我, 自己一個坐係counter, 又無乜人黎問嘢或攞嘢, 連電話都無乜! 真係好不容易至過呢三個鐘呀!

一放工就咋咋臨返屋企同張先生食lunch~~ 食飽又係坐係屋企hea, 無無聊聊咁! 睇睇下電視竟然瞓着咗...... haha......

因為夜晚張先生要開工嘅關係, 晨咁早六點就食晚飯! (叫外賣) 自己無無聊聊咁睇電視又一晚!

天氣潮潮濕濕的, 非常討厭呀!!!