宵夜打邊爐

16 Mar 2007

原本同張先生約定今晚等到九點鐘兩個人一齊去海港

, 點知晏晝張先生收到佢 "二奶" 打電話約佢去happy hour之後一齊食飯, 結果, 張先生應承咗佢呢~~ 所以, 由二人行變咗五人行!

放工返到去, 張先生與亞龍("二奶" ) 同埋亞咪正在happy hour緊, 於是去咗搵佢地, 入到酒吧 (當然我無飲酒啦~~ 個姐姐俾咗杯熱水我, 我諗都無乜邊個入到酒吧唔飲酒, 係飲熱水吧! haha......

), 以為家陣酒吧全面戒煙, 原來唔係喎~~ 於是坐咗一陣, 就同張先生講我返屋企等夠鐘至出黎!

係酒吧轉個街口, 發現有間賣植物嘅店, 於是走咗入去逛逛, 突然好想為屋企增加一盤植物點綴一下呢~~ 於是逛下逛下 (其實個間店好細架咋!) 終於揀咗.................

但唔記得呢個叫咩名堂, 係一塊心形嘅葉咁, 原來種下種下, 後面會長出一條框, 框上面再會長出一片一片嘅心形葉, 仲會開花添架~~ 點解我會知, 因為個度有張相貼咗出黎呢~~ 不要等佢開花起碼要兩三年時間呢!

初初買呢盆心形葉時, 個盤係肉肉酸酸嘅啡色盤, 於是又係店入面為棵葉物色一個靚靚家, 終於俾我搵到呢個豬豬花盆, 好得意呢~~

老闆娘好好人咁幫我將佢移去個靚靚家度, 期間我好多嘴咁問d狗仔你養架?! (因為佢貼咗兩張相, 其中一張有一排九隻嘅bb金毛, 好得意呢~~) 原來佢養嘅狗媽媽最近生咗十隻狗仔(第一胎), 可惜一隻夭折咗!

跟住我又好多口咁問另外兩張相, 有個可愛bb女, 原來係老闆娘個女, 已經歲幾啦~~ 佢知道我有咗bb之後, 大家不停係度討論生仔經, 佢講咗好多經歷俾我聽呢~~ 吸收咗唔少知識呀! haha... 真係多謝老闆娘呢~~ 咁樣傾下傾下, 就傾咗成個鐘, 於是返酒吧同張先生佢地一齊去攞位烚烚烚!

果然係宵夜打邊爐, 五個人食, 叫咗十二碟, 男士們仲飲咗一打啤酒, 埋單都只不過係380蚊咋! 好第呀! haha...... 上次同張先生兩個人晚飯時間去都食咗二百幾蚊! 第時都係食宵夜第!

亞咪話憑佢眼見佢家姐生幾個嘅經驗睇, 佢話我無乜點肥, 只肥係肚, 生女多喎~~ haha... 係就好呀! 我都想生女, 乖d麻~~ 不過仔女都好, 都係自己嘅~~