逛街+返娘家

17 Mar 2007

今日都算係一個搭車嘅挑戰呀! 點解?!

自有咗之後, 我就怕咗搭車! 又暈又嘔嘅感覺真的不好受呀! 今日由上水搭火車到沙田, 再由沙田轉巴士去葵芳, 係葵芳逛完街搭地鐵出荃灣, 再轉巴士返屯門娘家! 今日真係咩車都俾我搭云晒, 所以"獲利回吐袋"都準備定兩個, haha...... 好彩, 無乜事!

今日下晝約咗姐姐仔去葵芳行街買衫, 個肚開始大, d衫開始唔啱身lu~~ 孕婦衫又唔靚, 於是咪山長水遠出葵芳呢個平靚正買衫聖地逛下囉!

兩個人踩咗全場, 都無任何收獲, 都幾失望! 為免走漏眼, 我地決定再行一轉, 好彩~~ 呢一轉我地終於買到心水嘢啦! 買咗兩件上衫同埋一件網狀襯衫都只不過二百零蚊, 好第呢~~ 第過買孕婦衫呀! haha.......

滿足咗我地咗慾望之後就各自各歸家! 自己就係荃灣逛咗一陣, 目的係去買多條孕婦褲, 靚媽話荃灣有檔好第買, 點知我就去錯地方! 去咗間貴嘢, 買條褲都要成二百幾蚊, 更係唔買啦! 結果都係個度放底咗七百幾蚊!

點解?! 因為個店員姨姨介紹我用孕婦"ba ba", 試過又真係good喎~~ 其實呢個都唔貴, 二百蚊有找仲要買一送一, 何來買咗七百幾蚊嘢呢?!

咪就係個店員姨姨話, 孕婦瞓覺/係屋企時唔同正常人可以唔戴 "ba ba", 因為孕婦要保護胸部, 同埋會有少少分泌喎! 如果打算餵人奶的話就最好戴返, 於是佢就介紹咗另一 "ba ba" for屋企用, 都成二百五十幾蚊個, 但真係好舒服呢~~ 受不住誘惑, 又奉獻咗二百幾蚊!

跟住又俾咗條 "un un" 連埋抬腹用途, 試過原來"cool"住又確實幾舒服, 但二百九十幾蚊一條 "un un" 未免貴咗好多呢~~ 之後個姨姨俾咗條抬腹帶我試, 嘩......... 仲正! 可能係 "cool" 埋條腰, 所以條腰好舒服, 之但係大熱天時叫我 "cool" 住條野係肚度, 都幾係熱! 一條都二百, 有條正d要成四百, 度過之後還是買個條 "un un" 好過, 結果................ 咪洗咗七百幾蚊囉~~ 都好肉痛呀!

店員姨姨話憑佢嘅經驗, 望一望我個肚, 小寶寶應該男仔喎! haha... 我都答唔到佢, 因為我都唔知!