病假中~~~

7 Mar 2007

今日係第二日病假, 依然頭痛痛, 間歇性暈暈地, 全日都係食同埋瞓,  咁啱張先生呢兩日放假, 所以照顧到我! 下晝睇咗一陣電視, 張先生開套 "亞歷山大帝" 睇, 但我睇咗唔夠15分鐘就入房午睡, 一睡就睡到六點幾!

張先生無買餸, 所以今晚要出街食! 適逄天寒地凍, 張先生好鍾意打邊爐, 於是我地去咗酒樓

, 叫咗個大良魚湯鍋! 因為叫得做魚湯, 一定有魚係入面啦!

當個鍋黎到時, 我地一望, 下............

 點解無魚o既, 得d蔥同埋腐竹! 咁咪唔第囉~~ 早知叫豬骨煲啦! 價錢一樣, 起碼有幾舊豬骨同蘿蔔丫~~

當其他火鍋料(日本牛柳粒、皇帝菜、魷魚筒同埋魚皮餃)黎埋時, 原來個魚湯係有d魚頭包埋架! d魚頭炸到好香, 於是將佢地放晒入鍋入面煲, 一邊煲一邊聞到炸魚頭o既香味!

當我地開餐時, 當然唔少得一人一碗飯 (烚烚下期間媽咪打黎, 我話打緊邊爐兼食碗飯, 媽咪都話咁奇怪,  邊有人打邊爐食飯架! haha.....) 唔食碗飯, 相信好快會肚仔餓呢~~

d魚頭浸過魚湯, 真係好好味! d牛柳粒又好有牛肉味, 但唔敢食多呢~~ 食飽飽之後,  感覺好似食濟咗咁! 有d唔太舒服o既感覺, 睇黎小寶寶唔鍾意打邊爐!