兩餸一湯 + 得意牛角帽

18 Mar 2007

今日安坐家中無所事事, 張先生睇佢嘅馬仔, 我就陪睇, 但查實成個下晝, 都瞓咗幾覺, hehe......

等張先生睇完佢嘅馬仔就一齊去買餸煮飯!

是晚靚湯 & 餸有......

節瓜魚肉瘦肉湯

蒜蓉西蘭花

豉汁蒜蓉粉絲蒸帶子 (大大粒, 粒帶子有成1.5cm厚架! 個賣魚姨姨話要蒸5mins, 但蒸完5mins好似未熟透, 結過張先生蒸多5mins, 過咗火, 搞到好"un", 晒咗!)

同場加影今日下晝睇報紙時, 教用毛布整牛角帽! 上次去溫泉之旅見到有個國內uncle戴咗呢頂帽, 覺得好得意, 但自己唔識整呢~~ 所以 一睇完, 即刻dump底報紙去攞條毛布試下啦! 張先生仲以為我搞乜

大家睇下, 呢個係張先生...... 幾可愛! 當時望住張先生嘅我, 笑咗好好好...... 耐呢~~ haha......

呢個就係我啦................... 輪到張先生笑返我轉頭!

第時小寶寶出咗世, 整返頂俾佢可愛一下至得! haha......