耳水不平衡???

6 Mar 2007

今朝真係頂唔順, 頭痛到爆炸, 頭又暈暈的, 結果....... 又要告病假一天! 希望休息一天, 會舒服返d~~

全日係咁瞓醒就食, 食飽抖抖又瞓過, 到傍晚六點幾, 都係頂唔住, 還是去看看醫生! 因為如果攞兩日病假要出示醫生病假紙呢~~

醫生都覺得奇怪, 正常過咗12週應該會好好多, 我依家13週, 返而仲衰過之前, 經醫生詳細檢查過, 佢話我有少少耳水不平衡, 不過因為有咗bb, 所以就唔開藥我食, 結果俾咗3日病假我, 要我休息多d!

呢幾日成日都間歇性頭暈暈, 頭又痛, 連睇報紙都睇到頭暈陀陀, 唔通真係少少耳水不平衡所致??? 真的好辛苦呢~~~~~~ 牛高馬大o既我, 點解會咁咋抖o既呢???

今晚張先生做大廚, 煲咗花膠竹絲雞瘦肉湯 (呢煲湯就貴囉~~ 淨係個塊花膠都百幾蚊)

薑蔥蒸海斑仔 ($20 = 3條海斑仔, 好第, 相信係養魚多, 海魚邊有咁平)

蒜頭炒莧菜 (睇d莧菜好靚好嫩, 點知勁高纖維 -- 即係好老)