期待以久嘅紅炸彈

16 Mar 2007

今日終於收到靚靚準新娘Ling Ling嘅紅炸彈啦~~ 係度祝你地白頭到老! 永結同心! 快d三年抱兩, 等小寶寶有多個friend! haha......

呢個就係2007年收到嘅第一封紅炸彈......

一收到更係急不及待拆開黎睇....... 好古色古香呢~~~

一打開....... 嘩................. 有張俊男美女相呀~~ 好靚呢~~ 當然唔少得餅咭同回禮利是啦!

第一眼望到利是個對公仔, 好熟口面............................. 係邊樹見過呢 

 ................

呀........... 記起啦~~ 想當日結婚, 派有呢個公仔嘅利是俾化妝師, 攝影師佢地呢~~ 不過我個隻就係長身個隻! haha...... 又會咁巧合嘅!

今年將會收到兩個紅炸彈, 依家收到第一個, 年尾將會再收多一個, 希望會再收多一個(olive你加油呀! 等緊你嘅好消息呀!) 真替她們高興呢~~

不過, 呢輪都有一個問題都幾困擾, d人話有咗唔好去參加人地d喜事(雖然張老太唔知我將要去飲, 之前佢千叮萬囑叫我唔好參加紅白事), 話會相沖, 嫁娶嘅喜事大過生仔, 會受唔住喎~~

究竟係真唔係呢?! 之前聽過同事講過d事例......

事例一) 有個同事懷孕都就快生, 佢去咗另一同事探剛出世嘅bb, 點知之後佢流產

  係巧合? 還是真係受唔住呢?

事例二) 同事個朋友大住肚結婚, 另一位大肚朋友去飲佢個餐, 點知又係無咗個b!

 又係巧合? 還是受唔住人家雙喜臨門呢?

雖然我唔係好信呢d, 好無科學根據, 但聽過, 個心又籮籮鬈...... 同張先生討論過呢個問題, 大家意見一樣, 都係覺得參加朋友婚宴係無問題, 都係好似同朋友食餐飯咁遮~~ 張先生都話如果我想去就去啦! 唔好諗咁多! haha......

係年頭時, 睇過報紙, 睇過一則風水新聞, 個位師傅(唔記得乜水, 好似係蘇文峰)都話沖喜唔好, 但要去唔係唔得, 可能戴隻玉鐲喎! 係真唔係真呢?

 之但係我都無玉鐲, 我媽咪都好似無, 唔知玉嘴得唔得呢?! 如果得可以問媽咪借麻, haha......

我要依家開始輔導一下小寶寶至得!

媽媽: 「小寶寶呀~~ Ling Ling姐姐結婚, 你要大方d, 要替佢高興架! 媽媽帶你去見識下, 但你要做一個大大方方健健康康嘅小寶寶呀!」