28 Mar 2007
放工同張先生一齊去街巿買餸煮飯仔, 前日係西田買咗個有機翠肉瓜, 個姨姨話用黎滾豬潤瘦肉好正, 於是今晚一於試下~~
呢個就係有機翠肉瓜, 通常街巿見個d係淺綠色, 長型, 但呢個深綠色, 圓睩睩, 唔講都唔知佢係翠肉瓜呢~~
呢個係...... 翠肉瓜滾豬潤瘦肉湯 (貓貓, 我今次記得加薑啦~~)
鮮檸檬蒜蓉蒸烏頭 (唔知點解, 雖然味道都OK, 但都唔同媽咪蒸咁好味?!)
灼菠菜 (唔記得加蒜粒添~~)
唔知點解?! 食咗半碗飯之後, 突然食唔落...................... 真係唔知點解?! 好不容易至食埋個半碗飯呢~~
係咪b仔定住左你個胃呢!?
回覆刪除嘩 ! 個有機翠肉瓜 $21, 都幾貴 bor......你做セ食唔落呀
回覆刪除原來呢D係有機翠玉瓜黎架?我之前見過仲以為新種南瓜添 !! $ 21好貴呀, 不過organic food又真係健康D呀! 咦, 有落薑呀??乖~~乖~~~抵錫 !! ( ...)
回覆刪除我估係阿b今日唔多想食飯
回覆刪除原來烏頭可以咁整嫁, 下次試下先, 想問檸檬同魚係咪一齊蒸?
回覆刪除唉呀~~~而加睇見都流緊口水呀!! 張c奶,借問聲有機食物有d咩好處呢? 因為我好小聽,我尼便d鬼只係識變種..吾該你可以係咁2解釋一下嗎~
回覆刪除你試下用腌左的桔仔(平時喉嚨痛沖水飲個d桔仔)，代替檸檬蒸烏頭，好好味嫁! 連一向吾鍾意食烏頭的老公，都話好食......
回覆刪除個有機翠肉瓜好得意呢!! 不過$21又好似貴咗d喎!! 咁好唔好食 ga??
回覆刪除二家姐, 我都唔知點解食唔落?! 你click下面條link, 裡面有好詳盡嘅解釋! http://hk.knowledge.yahoo.com/question/?qid=7006122605019
回覆刪除各位, 個有機翠肉瓜確實幾貴下, 但抱住一試嘅心態, 所以咪買黎試下, 睇下係咪特別好味, 但我就覺得同街巿買個d長型嘅差唔多呢~~
回覆刪除咪咪貓 & 豆豆龍, 你洗乾淨條魚之後, 鋪d蒜蓉係魚面, 跟住再鋪d檸檬上去, 然得蒸熟佢, 蒸完之後倒咗碟入面d水, 將蔥加係面(其實可以唔加, 因為張先生鍾意食蔥, 所以我加埋) 然後燒熱油, 淋上魚上面, 最後加蒸魚豉油, 咁就可以上枱開餐架啦~~ 我見魚檔有咸檸檬買, 但我媽咪就鍾意用新鮮檸檬, 所以我都用咗新鮮檸檬蒸呢~~ 你都試下整俾老公食下啦~~
回覆刪除茹仔餅, 請問個d醃咗嘅吉仔係咪街巿無得買架?! 係咪要自己醃架?! 如果係的話, 屋企無添~~ 要等過年買盤吉返屋企擺再自製至得囉~~
回覆刪除係唔係個bb唔想你食咁多呀..但如果真係食唔落 唔好夾硬係喎
回覆刪除d 桔仔好多人都有，你試下問身邊的朋友，我相信緊有一個係你左近!
回覆刪除明白哂啦~~ 真係吾該哂!! 係喎~你都可以食下d開胃野,酸酸甜甜,好似你講既桔仔... 我大肚都冇食過尼D野,只係鍾意食餅乾咋..嘻嘻
回覆刪除