24 Mar 2007
今日同張先生去咗沙田大會堂聽由補益坊搞嘅孕婦保健講座, 估唔到全場爆滿!
個講座第一部份由營養師講解孕婦所需嘅營養, 第二部份由中醫師分辨鹿茸、高麗蔘同埋雪蛤膏嘅真假, 最後部份就係介紹返補益坊嘅「產後廿八方」, 係for產後調埋身體嘅湯包! 但呢廿八濟湯包都幾貴, 成二千五百幾蚊! 結果係無買到嘅~~
聽完講座, 每位孕婦都派一份禮品包, 送咗條口水肩、一樽紅梅素、一樽冬蟲草丸同一樽魚油丸! 見到呢三樽嘢, 都唔係好敢亂食, 都係放埋一邊算!
拍得又靚! d戰士個個都咁大隻! 王后個樣靚之餘, 望住佢感覺一股特別嘅氣質! 之前都有朋友睇咗話好好睇, 但又話好血腥, 搞到我都唔知睇好定唔睇好, 但又好想睇喎~~
睇完戲, 去咗西田超巿逛逛兼買餸, 買咗包有機千寶菜, 個姨姨話呢種菜同菠菜嘅營養價值一樣, 但就無食完牙齒有鞋烚烚嘅感覺, 於是買黎一試! 跟住買咗個三文魚頭, 打算今晚煮燒三文魚頭(應該焗至啱)!
同埋買咗盒超香超好味嘅士多啤梨做飯後甜品! 呢盒士多啤梨成68蚊, 得個七粒, 雖然差唔多成十蚊一粒, 但係真係超........超好味呀! 食唔停口呀! 
個有機千寶菜用咗黎滾瘦肉湯, 因為個姨姨話滾湯一流, 不過驚會涼, 所以滾熟咗d瘦肉先, 跟住再將d菜灼一灼, 當灼菜咁就算~~ 不過啖湯好甜好好味! 但就唔敢飲咁多!
至於個燒三文魚頭, 不嬲我都幾鍾意食魚頭, 所以真係好好味!
可惜....................... 當我update blog時, 發現是晚靚餸d相無晒 
, 得返士多啤梨張相! 究竟發生咩事呢?! 唔通部相機到期?! 係時候要換?! 唯有下次再整時, 再同大家分享!
有機千寶菜?咩樣架呢 ?? 我未見過添 ! 如果驚的話, 每次烚菜或者滾湯切兩片薑落去丫，媽咪話咁樣好D喎! 我上次試過自己買三文魚扒返屋企整，唔知點解難食到嘔呀~可能我唔識整呱 我到依家一個講座都未聽過呀, 懶到出汁
回覆刪除我都唔知咩叫千寶菜呀, 等我下次買時再影俾你睇, 本來影咗, 但d相唔知點解會無晒! 哦...... 烚菜或者滾湯可以加兩片薑架?! 係咪會無咁涼呢?! 我未試過整三文魚扒呀! 因為熟透嘅三文魚好難食, 鞋烚烚咁! 都係生嘅好食, 可惜有排都唔食得 但係三文魚、吞拿魚、銀雪魚又含豐富omega 3, 對bb好! 但銀雪魚又整買錯咗油魚 吞拿魚熟食就好似得罐頭個d 唯獨三文魚有扒買, 但又唔識點整至好味! 自己鍾意食魚頭, 咪買三文魚頭食, haha...... 我諗住下次買個三文魚頭煲湯! 我成日好想報廣華個d course, 但成日都full晒, 報唔到!
回覆刪除我都買過lee隻士多啤利架... 好好好清甜架 日本番黎架... 都係我老公介紹我食架... 但太貴啦...唔係幾捨得 但一次半次唔緊要...
回覆刪除真係超超超............. 好味呀!
回覆刪除d野可以食架,仲對孕婦有幫助!~
回覆刪除係呀, 媽咪話整乜鬼菜或湯都加兩片薑,無咁涼呀! 你講果D魚，全部都係我既疑惑呀!諗既真係一模一樣 ! 上次三文魚事件後唔敢再試啦! 吞拿魚有時我都佰買罐頭既鹽水吞拿魚黎整白汁意粉食，好過無啦!有時就自己蒸下魚或者煎下紅衫魚果D囉, 不過其實，我唔係咁鐘意食魚架咋! 所以都好懶整魚 !(不過中醫同媽咪都叫我唔好食無麟魚, 佢話毒啊!) 你喺廣華做產檢呀?我喺QE呀 !上次想Book講座聽，俾個姑娘吋我唔駛咁快聽話我一定會唔記得，所以我諗你都唔駛咁心急聽啊~ 你依家有四個月未呀?下個月開始可以食芝麻糊啦，對Baby皮膚同頭髮好呀
回覆刪除╭☆猫の赤ちゃん╭☆ 原來如此~~~ 等我煮/烚菜時都加薑至得! 無鱗嘅魚原來好毒架?! 不過有咩魚係無鱗呢?! 其實我都唔係太好食魚架, 家陣為咗小寶寶, 唔食唔得啦~~ 我係廣華產檢架~~ 同事話廣華生好喎! 咪即管一試囉~~ 依家小寶寶應該有16週大啦~~ 咁係咪四個月就可以食芝麻糊?! 其實想自己試下整芝麻糊想咗好耐架啦~~ 但初初有咗時, 同事話唔食得芝麻糊住
回覆刪除係呀, 你每次整菜切兩薄片落去得架啦! 我就大約四個半月(好似18週到)時開始食芝麻糊，當然唔好過量啦，大約每星期一碗啦! 我都想自己整呀, 但唔識整! 出去買好貴嘛! 無麟魚即係: 鱔、鰻、蒼魚果D啦! 本來都鐘意食蒼魚架, 依家連呢個選擇都無埋lu~! 廣華我聽人講都好好架，不過你都好叻呀可以Book到 ，好多BK媽咪都話廣華已經full咗book唔到呀!
回覆刪除你真係一個吾怕血腥既經典大肚婆呀~~~ 我有左到而加都未睇過呀!其實係有左之後個膽細左好多至啱~ 嘩!!!!!!!!!我未聽過d士多啤梨咁鬼貴架!!可能我0係德國尼便又多又甜又低食啦~所以我見到咁貴都嚇親呀!! 今日睇吾到你食咩餸tim.......
回覆刪除貓, 你係咪好鍾意貓嘅呢?! 收到! 等我到18週時試下自製芝麻糊先! 我有本甜品書, 返去睇下有無教整芝麻糊先, 有我send你試下自製! 出面買個d唔好食嘅, 一盒盒即煮又好難食 == 原來鱔、鰻、蒼魚唔食得架 我仲食過添, 好彩唔係成日食!!! 我一知道有咗, 就睇醫生, 跟住就咋咋臨去登記啦~~ hehe......
回覆刪除幸福張師奶:係呀，我鐘意貓架..不過我住呢度唔俾養! 芝麻糊我都係買滿記果d咋，仲要特登搭車去買添呀, 所以真係自已整好呀!
回覆刪除二家姐, 我呢個孕婦都夠晒yeah!!! haha...... 走去睇朋友睇過都話血腥嘅<戰狼300>, haha...... 睇完仲要唔覺得好恐佈添~~ 唔知小寶寶出世會唔會膽生毛呢?! haha...... d士多啤梨係日本空運到港, 所以咪咁貴囉~~ 你就好啦! 德國個邊平靚正! 香港買個d, 除咗係日本黎個d, 多數都可能係大陸黎, 聞就香呀~~ 但食就一d都唔甜!
回覆刪除貓貓, 偷偷地養唔得呀??? 我娘家住居屋, 都唔俾養狗, 但我地都養咗隻惡"屎"能登嘅pizza妹妹, haha......
回覆刪除嘩!! 你仲去睇戰狼 , 會唔會嚇親BB咖???
回覆刪除唔偷偷地養囉..反正而家有咗小BB，都係唔養寵物安全D呀
回覆刪除Cary, Hehe...... BB又唔驚喎~~ 同埋睇完個晚我竟然無發惡夢喎~~ 之前睇碟<韓流怪客>(果時已經有咗), 個晚發夢俾怪獸係咁追, 自己就係咁走走走, haha...... 貓貓, 你講得都有道理, 有bb唔養寵物比較好!
回覆刪除