21 Mar 2007
今日張先生放假, 所以買餸煲湯嘅任務就交俾佢啦~~ 之前一晚我醃定咗d雞膇, 打算今晚焗黎食! 自己放工時去咗加餸, 因為食公司canteen飯已經食到好厭, 所以決定帶下飯至得!
是晚靚湯靚餸有.....................
蕃茄薯仔大魚頭湯 (如果個湯再煲耐d就更加正啦~~)
灼菜心 (呢排都唔知食咩菜好, 菜心又唔係咁好食, 白菜又唔食得, 莧菜買過一次又太老, 西蘭花又成日食, 菠菜張先生又唔多鍾意食......)
??雞膇 (可能係醃咗一晚+一日嘅關係, 好入味, 好正呢~~)
點解叫做??雞膇?! 其實係咁嘅, 尋日係小吱喳個blog見到一個青檸香草雞膇食譜, 好似好正咁, 但係屋企無香草, 所以無用到, 而青檸轉咗用檸檬, 所以我都唔知應該將呢個改良咗嘅雞膇叫咩名堂好!
翠肉瓜炒肉片 (呢個就係加餸for明日午餐啦~~)
呢個係聽日嘅午餐, hehe......
都好耐未試過兩個人食三餸一湯啦~~ 好開心呢~~ (不過是晚晚餐煮得咸咗少少添~~)
個雞膇好吸引呀
回覆刪除你都試下整~~ 好容易, 醃好放入焗爐焗熟就得! 你click "青檸香草雞膇食譜" 就會有食譜係入面!
回覆刪除有左bb既係要小心飲食既...叫老公就下你一齊食!
回覆刪除其實張先生食嘢無所謂, 有得食就得! 所以好多時都係我話想食咩就食咩!
回覆刪除哗！虽然只係3菜1汤，但都真係几正0我！
回覆刪除菠菜好有益架, 叫張生就下你啦。 豆腐、露荀、白飯魚 呢d對大肚婆都好架, 食多d吖。
回覆刪除你可以買bb露荀, 嫩d, 好好味。
回覆刪除靚太! 有d野一定要提一提你架, 就係記得洗乾淨d棻同埋沉內d 呀d棻,吾好怪我長氣,因為如果食到太多農藥, bb會出現兔唇,同埋維他命a都係,吾好接觸到,食就冇問題~~所以我之前連面膜都吾敢做.... take care ar°° 擔心你既二家姐上
回覆刪除正啊,點解你整既菜係綠色既,我整既菜係黃色既!~
回覆刪除Kim, 今餐又真係確實幾正, hehe...... 博博豬, 哦........ 原來豆腐係食得嘅~~ 聽人講話豆腐涼, 又話唔好食, 但自己又諗豆腐又好有益喎! 搞到都唔敢成日食呀! 聽你咁講之後我都放心食囉~~ 請問露荀同白飯魚洗乾淨之後, 駛唔駛飛一飛水至炒呢??? 因為未熟過, 唔識, haha...... 二家姐, 我洗菜時都有浸好耐架! 同埋放一大咋鹽落去囉~~ 其實都好想去做facial, 做機就一定唔得, 但唔知全人手按摩得唔得?! 所以都唔敢去做呢~~ 阿玲, 你係咪d菜炒/灼得太耐呀?! 同埋要加d油去煮呢~~ d菜唔駛炒/灼得太熟架, 林得濟唔好食架啦! 繼續努力呀!!!
回覆刪除~~ 啲白飯魚要飛水先...我陀住仔仔嗰時馬尾爸爸會用佢黎蒸玉子豆腐+水蛋。好有營養架!! (不過宜家買白飯魚要小心d, 因為好幾個月前話有問題。總之樣樣小心!!) ~~ 迷你露筍 (百佳、恵康有售...) 1) 放水齋烚...然後加d頭抽 / 豪油 / xo醬 (不過你宜家就唔好食住)...嘩!! 諗番都好滋味 2) 炒...切一段段 , 跟住飛水, 然後抄乜都得....牛肉 / 豬肉 / 雞肉...真係乜都得。正 3) 煲粥...可以切粒, (其他配料就睇你鍾意乜就落乜) 待粥煲好才下, 因迷你露筍好快熟...不要煮太耐。(我有時都會煲比仔仔食架...落d蝦乾、瀨尿蝦乾、豬肉碎、露筍....正正正)
回覆刪除你要按摩!!?? 吾好喇掛~~~~~定係我唸錯左,你講既係按塊面咋??
回覆刪除豆腐我諗等你五個月先食會好少少呀(我都係聽個中醫講，佢話因為豆腐有石膏粉做, 都唔係咁好喎) 菜心,波菜,西蘭花同節瓜都好呀, 夠正氣呀!!(唔好怪我八掛, 因為我好小心咩都問過中醫先敢食呀! )
回覆刪除博博豬, 好詳盡呀! 謝謝你啊~~ 咁我應該幾時先食得迷李露筍呀???
回覆刪除二家姐, 按摩係指按塊面, 唔係按身! 雖然好想按身, 成個背脊周身骨痛, 但我知唔按得身呢~~ 放心~ haha...
回覆刪除╭☆猫の赤ちゃん╭☆ 咪傻啦~~ 你又點會係八掛喎! 我咩都唔識, 尤其是邊d食得邊d唔食得, 真係唔係好知呢~~ 我又無去睇中醫喎~~ 其實睇中醫有咩好呀???
回覆刪除其實係因為我之前個BB唔穩定(作小產幾次)所以要睇中醫安胎呀，同埋有時有D咳同傷風感冒, 我覺得吃中藥會好過西藥啊 (直覺上覺得side effect無咁大). 因為我唔stable所以中醫要我戒口囉! 為咗保護小B我都要好聽話(雖然食到好悶..)不過我捱埋呢個月，就可以解封啦 !
回覆刪除露筍含有豐富嘅葉酸 (對 bb 腦部, 脊髓嘅發育/發展好有幫助架), 而家就已經可以食架喇。 如果你有睇開私家醫生, 通常都會開比大肚婆食架噃!!
回覆刪除唔好咁講啦, 都唔知有冇用架。因為每個人體質唔同。 露筍含有豐富嘅葉酸 (對 bb 腦部, 脊髓嘅發育/發展好有幫助架) , 而家就已經可以食架喇。 如果你有睇開私家醫生, 通常都會開比大肚婆食架噃!!
回覆刪除╭☆猫の赤ちゃん╭☆ , 我睇咗你blog呀~~ 你嘅懷孕歷程真係驚心動魄呀! 你要小心身體同埋休息多d呢~~ 博博豬, 原來露筍含豐富葉酸架?! 呢個真係唔知喎~~ 謝謝你呀! 醫生有開鈣片同埋葉酸我食! 但係初初時成日唔記得食呢~~ haha....
回覆刪除啱啱聽到新聞話d白飯魚有甲醛 (即防腐劑), 唔好買黎食呀!!!
回覆刪除博博豬, 係啦~~ 突然之間話d白飯魚有事! 好彩無買黎食咋~~ 家陣樣樣嘢都話有事, 都唔知食咩至無事! haha.....
回覆刪除