各位孕媽媽,
今日瀏覽仁安醫院嘅免費講座時, 發現有個產前講座舉行呀!!!
Subject: 生產方式知多D－順產及剖腹生產, 分娩止痛法及剖腹生產之麻醉方法
日期: 22 May 2007 (Tue)
時間: 19:30-21:00
地點: 沙田源禾路一號 沙田大會堂2字樓文娛廳
講者: 周敏姬婦產科專科醫生及林嘉儀麻醉科專科醫生
有興趣參加講座嘅孕媽媽就快d去仁安醫院網頁http://www.union.org/green/cs_register_event.php報名啦~~
我已經報咗名啦~~ 睇下到時見唔見到大家!!!
上星期嘅某一天, 係一位同事嘅位度見到有棵青bb嘅植物, 成棵樹咁! 同事話其實佢d葉應該係紅色, 仲有黃色嘅小花, 於是我就去咗另一位同事度, 見到佢個棵又係成棵樹咁, 但開咗好多黃色嘅小花, 呢棵好茂盛呢~~ 於是我同埋一位同事向呢棵茂盛嘅樹埋手........ hehe.......
呢棵植物我都唔知佢叫咩名堂, 但覺得佢好靚, 仲有花仔開, 於是.......我地一人剪咗一個枝節呢~~ 棵嘢當堂變咗無咁茂盛, haha...... 呢個就係啱啱剪落黎嘅枝節, 有花仔架, 放係水度等佢出根, 之後就可以落盤啦~~
再黎一個近鏡......
今日, 終於發現佢出咗3條小根啦~~ 仲要浸住水都會開花喎! 勁呀! hehe........ 好嘅開始! 
今日睇柔柔個blog時, 原來柔柔張可愛相被選中登咗去yahoo精選圖片入面! 當然替佢高興啦~~
跟住再望真d...... 右下角個個虎枕咁似小寶寶舅父仔送俾佢嘅第一份禮物嘅??? 原來真係小寶寶份禮物黎架! haha...... 跟住望下隔離個對椰子, 又係好熟口面, 似曾相見咁 如果唔係睇柔柔嘅近況, 都唔知自己影嘅相都登咗係精選圖片入面呀! 因為唔會特登入精選圖片度呢~~ 真係機緣巧合呀!
原來就係結婚個時個對椰子喎~~ haha...... 
28 Mar 2007
放工同張先生一齊去街巿買餸煮飯仔, 前日係西田買咗個有機翠肉瓜, 個姨姨話用黎滾豬潤瘦肉好正, 於是今晚一於試下~~
呢個就係有機翠肉瓜, 通常街巿見個d係淺綠色, 長型, 但呢個深綠色, 圓睩睩, 唔講都唔知佢係翠肉瓜呢~~
呢個係...... 翠肉瓜滾豬潤瘦肉湯 (貓貓, 我今次記得加薑啦~~)
鮮檸檬蒜蓉蒸烏頭 (唔知點解, 雖然味道都OK, 但都唔同媽咪蒸咁好味?!)
灼菠菜 (唔記得加蒜粒添~~)
唔知點解?! 食咗半碗飯之後, 突然食唔落...................... 真係唔知點解?! 好不容易至食埋個半碗飯呢~~
網上籲捐骨髓救石骨症女嬰
【明報專訊】出生只有兩個月的女嬰熙雯，患了每100萬人才有一人患上的「石骨症」(Osteopetrosis)，又稱「大理石骨病」，如今她的肝臟已脹大，生命危在旦夕。其父母周一在網上呼籲熱心市民捐贈骨髓，為愛女續命。
百萬人僅一患者
「由3月19日入院至今，熙雯的病情一直無好轉：血小板低，貧血，肝臟已脹大。」
「因骨頭腫脹，眼部神經已被壓着，但由於熙雯只有兩個月大，所以未能確定她的視力被影響到什麼程度。可幸的是，她的聽覺未受影響，可以聽到我們的聲音。」
「今天一早到醫院的藥房，他們卻說因這病太罕有，醫院未有存貨(干擾素針)……我們唯有馬上詢問藥行、其他醫院的藥房，看看他們是否有存貨。 希望明天藥能到達，否則我們的熙雯又要多等一天了！」
「盼明天有藥 否則又多等一天」
熙雯父母的網上日誌流露二人憂心忡忡，網上有不少留言指已把熙雯的消息傳出去，盼更多人捐骨髓。
養和醫院骨科專科醫生胡永祥解釋，大理石骨病患者的骨質受基因影響變密，成為「硬骨」，但較脆弱，容易折斷。神經線會因被「硬骨」壓着而影響運作，亦會出現牙齒不健康及肝脾變大。他指出，部分患者會於長大後才發現患病。
******************************************************************************************
今朝睇明報新聞網時, 刊登咗以上嘅一則新聞, 一個兩個月嘅BB患咗非常罕有嘅「大理石骨病」, 一出世就要受咁嘅苦, 真係可憐呀! 睇完真的感到好唔開心, 希望大家能出一分力, 到紅十字會登記成為骨髓捐贈者啦~~
記得係唔知邊年, 紅十字會係沙田新城巿廣場都舉行過一次抽血捐骨髓活動, 所以我已經登記咗啦~~ 你地呢?! 助人為快樂之本, 希望大家都湧躍支持!
熙雯bb祝你早日康覆! 願天下所有bb都健健康康快快樂樂咁成長!
27 Mar 2007
放咗工同張先生去咗睇小寶寶呢~~ 小寶寶16週大啦! 不過我地等咗成兩個鐘至有得見小寶寶一面呢~~
醫生係咪將個超聲波係肚皮上面碌黎碌去, 首先醫生檢查個頭仔, 眼仔鼻仔有齊, 咀唇仔兩片, 確定咗無兔唇, 跟住腦部發育正常, 頭頂直徑有3點幾cm!
跟住醫生就檢查脊骨同埋胸骨, 好明顯地睇到呢~~ 跟住醫生指住呢度個度話係胃、肝呀等等, 但成pet嘢, 真係唔識睇呢~~ 然後醫生係度同我地數手指仔腳指仔, 十隻手指十隻腳指都齊晒, 好得意呢, 細細粒咁~~ haha......
當個超聲波係肚皮上碌黎碌去時, 心諗: 點解醫生仲未話小寶寶係男仔定係女仔嘅?! 大家係咪好心急想知小寶寶係男仔定女仔呢~~ 
正當我想問醫生時, 醫生就指住小寶寶嘅重要部位, 而小寶寶亦好合作, 好開放咁俾我地睇到......
醫生 張師奶 
: 呢個突出黎嘅, 就係 "啫啫" 啦跟住醫生繼續檢查, 小寶寶大脾骨, 都有成2點幾cm呀! 照下照下, 醫生又指住話......
: haha...... 呢個就係啦! 咁得意嘅 (心諗: 咁似臘筆小新個何b仔嘅~~)
醫生 在旁嘅張先生仍然無乜反應...... 原來佢聽唔到醫生係度講乜, 一來佢企咗係醫生後面, 二來醫生好養聲, 講嘢好似無氣咁又陰聲細氣, 所以張先生咪由頭到尾都唔知醫生講乜囉~~ : 呢兩條就係大脾骨, 中間呢個就係 "啫啫" 啦
檢查完畢, 就輪到同醫生傾計嘅時間, 張先生第一個問題就問醫生......
張先生 醫生 
: 醫生, 真係仔黎架?!張先生 : 有 "啫啫" 唔係仔係乜丫?!此情此景, 我覺得好搞笑呀! haha....................................... : .........................................做完檢查, 我地速速去咗尖沙咀搵食, 行過金巴利道街巿(原來個度有個街巿都唔知添~~), 門口有個妹記大排檔嘅宣傳牌, 見入面咁多人食, 唔通好好味, 於是同張先生入去一試!
個度d服務都幾好喎, 拎到d碗筷子埋黎仲幫我地洗埋喎~~ 最得意係, 佢地唔係俾啤酒杯d客人飲啤酒, 係俾個雪凍咗嘅碗~~
呢個就係一碗啤酒, 而唔係一杯啤酒, 碗入面仲要有個勝字, 型呀!!!
我地叫咗個招牌唔知咩雞煲, 好香, 但辣, 唔見特別出色, 但都好味嘅~~ 另外叫咗碟油條讓墨魚, 呢個好味, 炸到條油炸鬼脆卜卜, 好香呢~~ 張先生話送酒一流喎! 同埋叫咗碟粉絲蒸絲瓜, 好香好入味, 正!
因為肚餓得濟, d餸一黎就顧住食食食, 食咗一半至記得影相!!! 結果, 都係繼續食食食, 無影低俾大家睇, haha...... 食飽飽就回歸!!! 沖完個靚涼, 又歎一歎尋日放工自己去沙田逛街時買嘅超好味士多啤梨! (唔係特登去買架~~ 係咁啱路過而又心癢癢想食, 又忍唔住手買咗盒黎食, 今次第d呀, 同樣68蚊一盒, 但呢盒有9粒呢~~ haha......)
26 Mar 2007
原本今日要覆診, 因為張先生要返工嘅關係, 所以改咗聽日至做檢查! 上次醫生話下次檢查(即聽日)應該知道小寶寶性別, 唔知聽日睇唔睇到呢?! 依家估小寶寶係男仔嘅有: 靚媽、olive、ling ling
唔知小寶寶會唔會搞搞震, 遮住重要部位唔俾我地知呢?! haha...... 希望小寶寶乖乖地, 俾我地知佢係男仔定係女仔啦~~
估小寶寶係女仔嘅有: 鬼妹
大家不如都估下小寶寶係男仔還是女仔丫~~ 睇下誰估中~~ haha......
24 Mar 2007
今日同張先生去咗沙田大會堂聽由補益坊搞嘅孕婦保健講座, 估唔到全場爆滿!
個講座第一部份由營養師講解孕婦所需嘅營養, 第二部份由中醫師分辨鹿茸、高麗蔘同埋雪蛤膏嘅真假, 最後部份就係介紹返補益坊嘅「產後廿八方」, 係for產後調埋身體嘅湯包! 但呢廿八濟湯包都幾貴, 成二千五百幾蚊! 結果係無買到嘅~~
聽完講座, 每位孕婦都派一份禮品包, 送咗條口水肩、一樽紅梅素、一樽冬蟲草丸同一樽魚油丸! 見到呢三樽嘢, 都唔係好敢亂食, 都係放埋一邊算!
聽完講座, 我地去咗睇「戰狼300」
嘩..................... 真係好好睇呀! 
結果, 就入咗戲完了卻張先生嘅心事! (因為套戲未上畫佢已經好想睇) 但套戲比我想像中都唔係咁血腥, 只係砍個頭落黎個畫面恐佈咗~~ 一見佢想砍個頭時自己就擰咩面, 避開個屈突鏡頭, haha...... 不過呢套戲拍到好似打機d畫面咁, 都幾得意!
拍得又靚! d戰士個個都咁大隻! 王后個樣靚之餘, 望住佢感覺一股特別嘅氣質! 之前都有朋友睇咗話好好睇, 但又話好血腥, 搞到我都唔知睇好定唔睇好, 但又好想睇喎~~
睇完戲, 去咗西田超巿逛逛兼買餸, 買咗包有機千寶菜, 個姨姨話呢種菜同菠菜嘅營養價值一樣, 但就無食完牙齒有鞋烚烚嘅感覺, 於是買黎一試! 跟住買咗個三文魚頭, 打算今晚煮燒三文魚頭(應該焗至啱)!
同埋買咗盒超香超好味嘅士多啤梨做飯後甜品! 呢盒士多啤梨成68蚊, 得個七粒, 雖然差唔多成十蚊一粒, 但係真係超........超好味呀! 食唔停口呀! 果然係日本士多啤梨, 真係寧舍不同, 百佳賣成50蚊盒個d都要彈開好遠好遠(得個香, 但唔甜, 唔好味) 出咗糧再買盒黎食至得! (家陣糧尾尾尾.......... 唔好咁奢侈)
是晚靚餸真係好好味! 
個有機千寶菜用咗黎滾瘦肉湯, 因為個姨姨話滾湯一流, 不過驚會涼, 所以滾熟咗d瘦肉先, 跟住再將d菜灼一灼, 當灼菜咁就算~~ 不過啖湯好甜好好味! 但就唔敢飲咁多!
至於個燒三文魚頭, 不嬲我都幾鍾意食魚頭, 所以真係好好味!
可惜....................... 當我update blog時, 發現是晚靚餸d相無晒 
, 得返士多啤梨張相! 究竟發生咩事呢?! 唔通部相機到期?! 係時候要換?! 唯有下次再整時, 再同大家分享!
22 Mar 2007
今日係嘉年華嘅最尾一日, 亦是與負責部門嘅其中一位同事相認嘅日子! 我地一直有工事上嘅聯絡, 但只在於電話聯絡, 從未見過大家真面目, 於是藉住呢個機會與佢相認! haha......
lunch食飽飽就第一時間落去Podium玩, 繼續吸印仔, 咁多個國家, 最難都係菲律賓, 一係就捉貝殼棋, 一係就要同個菲律賓亞嬸講返菲律賓有d乜~~ 大佬呀! 都未去過, 又唔識捉個貝殼棋, 唯有晒時間睇佢d展板! 答完佢問題仲要聽佢介紹貝殼做嘅副產品一輪 =.= 結果, 為咗吸佢個印, 係菲律賓攤位逗留咗成10mins =.=
至於墨西哥攤位, 個肥哥哥教我地講西班牙文, "ke le ko lu" 都幾得意, 幾有趣! haha......
而意大利, 原來係二月有個傳統習俗, 係掟橙節, 但係古時係掟豆嘅~~ 係近50年就轉掟橙! 呢個儀式係因為係11xx年(唔記得咗年份lu), 意大利有個暴軍, 人民勁唔鍾意佢, 於是用d豆黎掟佢, 久而久之, 演變到依家就變咗個傳統習俗, 有六隊人比賽, 三隊係馬車上, 三隊係地上面, 大家互掟! 睇佢post出黎d圖片, 成地都係橙, 我諗現場一定充滿咗橙味呢~~ haha...... 不過就好浪費d橙!
公司搞下呢d文化交流都幾好, 有時間遂個攤位去睇, 都學到唔少嘢呢~~ 尤其是d手工藝攤位(有馬賽克藝術、漂染、教整蛋卷、茶藝等等), 真係好吸引, 可惜人又多, lunch唔夠時間去玩啦~~
好不容易至吸齊12個國家嘅印仔呢~~ haha..... 不過仲爭一個手工藝嘅印仔 =.=""""
於是趁住與同事相認, 就請個位一見如故嘅同事幫我去手工藝攤位吸個印仔, haha...... 終於完成張咭, 可以去抽獎啦~~ 最衰個同事個老細係攤位度啦~~ 如果唔係, 可以拎到reebok個條毛布贈品啦! =.="""
21 Mar 2007
今日張先生放假, 所以買餸煲湯嘅任務就交俾佢啦~~ 之前一晚我醃定咗d雞膇, 打算今晚焗黎食! 自己放工時去咗加餸, 因為食公司canteen飯已經食到好厭, 所以決定帶下飯至得!
是晚靚湯靚餸有.....................
蕃茄薯仔大魚頭湯 (如果個湯再煲耐d就更加正啦~~)
灼菜心 (呢排都唔知食咩菜好, 菜心又唔係咁好食, 白菜又唔食得, 莧菜買過一次又太老, 西蘭花又成日食, 菠菜張先生又唔多鍾意食......)
??雞膇 (可能係醃咗一晚+一日嘅關係, 好入味, 好正呢~~)
點解叫做??雞膇?! 其實係咁嘅, 尋日係小吱喳個blog見到一個青檸香草雞膇食譜, 好似好正咁, 但係屋企無香草, 所以無用到, 而青檸轉咗用檸檬, 所以我都唔知應該將呢個改良咗嘅雞膇叫咩名堂好!
翠肉瓜炒肉片 (呢個就係加餸for明日午餐啦~~)
呢個係聽日嘅午餐, hehe......
都好耐未試過兩個人食三餸一湯啦~~ 好開心呢~~ (不過是晚晚餐煮得咸咗少少添~~)
21 Mar 2007
尋日開始, 一連三日公司係Podium搞咗個嘉年華, 尋日因為要上普通話, 無去到, 之後同事返黎講返好多嘢玩, 仲有雪糕食, 好似好吸引咁, 於是今日咋咋臨食咗個意粉就帶埋小寶寶一齊去Podium玩遊戲!
原來呢個環球嘉年華有來自各國嘅攤位, 日本、加拿大、法國、丹麥、印度、南非...... 大會提供咗一張咭, 只要係咭上面Countries個部份吸滿每個國家嘅印仔, Interactive Games吸2個印, 同埋Arts and Crafts Workshops 吸2個印, 就可以參加抽獎, 獎品係2張澳門船飛!
我仲爭5個印仔就可以參加抽獎! haha......
每個攤位都有唔同嘅特色, 有d就平平無奇! 好似India個難位, 有位姐姐係度幫我地畫d花紋係隻手度, 畫得好靚呢~~ 不過實在太多人等畫啦! 為咗慳時間去吸玩其他同吸印仔, 所以無畫到!
另一個攤位係製作玻璃瓶, 好想去玩下呢~~ 但係又係太多人啦!
有個幾個攤位就教整手作仔, 又係好吸引~~ 但又係唔夠時間!
最後去咗兩個攤位玩問答遊戲, 拎咗兩支雪糕, 同埋一張抽獎劵! 雪糕唔食得, 只好請姐姐仔食! (其實好想好想食呢~~~~~~~~) 至於抽獎...........................
俾我抽到個reebok嘅環保袋, haha......
玩到差d唔捨得返office做嘢呀! 聽日lunch再繼續努力至得!!! haha...... 
20 Mar 2007
今日又要上超悶嘅普通話堂! 都唔記得打咗幾多個 今日張先生要返工, 所以又要頭痛今晚食d乜?! 結果........... 就係煮意粉食!
, 相信小寶寶已經逃學, 係六星級酒店入面
, haha......
放工歸家途中, 打電俾張先生, 佢竟然話我知佢今晚放假, 都唔知佢講笑定講真, 返返下工放假都有?! 又因為佢講時太認真, 我就覺得更假~~ 都唔知信佢, 還是唔信佢! 佢又話預埋佢個宵夜! 真係搞到似是如非咁! 唯有預埋佢個份!
呢個就係我嘅晚餐啦~~
呢個係明日嘅午餐~~
佢話孕婦成日周身骨痛, 所以見到呢個按摩器, 就諗起我! 謝謝你啊~~~~~~ 
(小寶寶給你一個吻啦~~)