呢輪發現咗一樣嘢!
小寶寶最鍾意郁嘅時候, 就係食飽lunch, 坐係office做嘢呢段時間, 就係小寶寶最活躍嘅時候!
佢好鍾意呢段時間郁黎郁去, 我就係度做嘢, 係度想同周公約會時, 而佢就不停係度郁! 有時郁都真係頂唔順, 好似頂住胸骨咁, 好辛苦, 要企係度制止下佢唔好郁得咁勁呢~~
唔通小寶寶鍾意呢段時間做午間運動?! 還是係度練緊打字呢?!
到放工返到屋企食飽飯沖埋涼攤係sofa時, 佢又唔郁!
零晨四五點去一去小便時, 佢就瞓醒係度郁! 為咗繼續有覺好瞓, 次次都要摸住佢同佢講: "依家未天光呀! 天未光要瞓覺架~~" 同佢講完又真係乖咗少少, 唔係點郁, 可以繼續瞓喎~~ 神奇呀!
相反, 如果放假果日, 佢就全日都唔多郁, 唔通佢知道放假, 乜都唔駛做, 所以懶懶閒, 唔多願郁?!
唔 ......醫生話 bb 係媽媽食0野後活動得最活躍0架~~~~
回覆刪除因為bb都食飽飽啦嘛 !
回覆刪除有時你做緊嘢或者諗緊嘢, bb會同你一齊活動架。
回覆刪除哦......... 係嘅咩??????
回覆刪除唔怪得之尋晚發張先生脾氣時, 小寶寶係咁郁啦! 可能佢撐我係佢daddy唔啱呀!haha...
feel到BB郁有一種幸福感覺！
回覆刪除小寶寶郁你會唔會痛架,好好玩了~
回覆刪除未出世就咁跳皮玩你喇?!
回覆刪除你就好啦, 我個仔夜晚一醒左就發老脾嘈到飛起...一定要安撫佢
回覆刪除幸福的張師奶, 我見你響我個blog度留言, 好奇心下過黎八下 , 我地識唔識得0架 不過唔識都好, 就係大家都有個共通點, 就係有個baby響肚肚呀!! 多多指教
回覆刪除幸福張c奶, 我預產期係11/25呀 不過我之前幾次照u/s bb都係趴響度 0甘係唔係我有排都唔知bb係仔or女呀 (雖然我冇咩所謂). 同埋呢, 你煮野食好叻0架 我都好like煮野食0架 得閒你要向你請教呀
回覆刪除hi,我個bb預產期係8月中丫.呢一胎又係郁得好勁,都有同感我係公司時佢郁得最多,不過夜晚(我訓著)都郁唔少ga.總括黎講係無時停.我都未知佢係仔定女又係因為照親都扒係度囉. 而家諗緊可能下星期五再去照.....
回覆刪除BB食飽係會郁多D架..所以醫生話如果feel到BB無乜點郁都叫我地食少少嘢, 之後佢就會活躍返. 同埋, BB係半夜活動多D架..我個囡...晚晚踢到我暈, 如果唔係我懶瞓，我一定俾佢踢到眼光光望天光呀
回覆刪除我隻b又係好好動，成日毋時停~~
回覆刪除哈......係呀~ 我個bb都係咁架~ lunch想瞓一陣個時佢就不停咁踢啦！
回覆刪除hi ，張師奶，真係好羨慕你既幸福生活呢:):) 祝你同小寶寶健健康康啦 陳師奶
回覆刪除睇黎你個小B喺下晏最活躍噃 ！佢夜晚咁早瞓，唔怪之得凌晨4、5點就醒啦！不過，佢又幾聽話喎！媽咪氹吓又乖乖地瞓番~都係唔好讚啦！細路仔唔好讚咁多..
回覆刪除幸福張師奶 多謝你去我的blog留言呀！得閒多D上去，交流交流！我的預產期係10月頭。 BB踢我的一刻真係幾奇妙，我發覺用手輕拍佢幾下，佢又好似明白我想同佢講野咁，佢又會踢番我幾下，真係好得意，我老公一早起身又會拍拍佢，同佢講，bb起身啦！ 我個fd話胎動次數可反映bb的活躍情度，所以你的bb成日陏，就即係活躍b啦，恭喜！
回覆刪除希望小寶寶出咗世之後, 都係日間活動, 夜晚瞓覺啦~~
回覆刪除BB喺個肚度郁嘅感覺真係好得意架, 依家仲好懷念呢! 我記得陀仟仟有一次睇戲"King Kong", 隻King Kong一叫佢就勁郁, 又試過開吸塵機又狂郁, 可能太嘈佢唔鍾意呀!
回覆刪除哦................. 又會咁得意o既~~
回覆刪除hi, 剛剛係yahoo見到你個BLOG, 所以好奇又入來睇下~ 我個女剛剛已有2歲了...以前佢係個肚仔到都好百厭架~ 所以當佢係我個肚28週時, 我去左影4D,睇下佢係我個肚入面既小動作~ 而家有時攞番D相黎睇都好得意架~
回覆刪除我book咗下個禮拜去照4D呀! 希望到時小寶寶唔好瞓着咗覺啦~~
回覆刪除而家bb好醒目架 不過妳感受到佢郁，我諗都有四五個月 我仲未感受到呀
回覆刪除喬絲, 我今個week 27週啦~~ 你依家幾多週呀?
回覆刪除好幸福既張C奶~ 我係何C奶le~ hahahaha~ 得閒上黎我blog...交流交流la~ 睇你既blog...我鬼開心同得到好多知識呀~ (我Blog左你ga la~ Blog友) thanks!!!!
回覆刪除