無聊人, 無聊事

呢兩日, 唔知乜水, 唔知係咪得閒得濟無嘢做, 係咁打電話去我手提, 之但係來電顯示係 "被轉來電"

 由尋日lunch time係咁打打打, 一連打成五六個電黎, 喂佢又唔出聲即收線  咪熄電話費事煩!

到三點幾再開返電話啦, 都未夠兩秒, 個電話又係咁響, 又係個無聊人

 真係怕咗佢呀, 唯有再熄, 到放工至開返!

跟住到七點左右, 個電話又起勢咁響, 試過唔聽, 響到自動收線, 試過接完即收線, 佢又係咁打黎

 .........

話俾張先生知, 張先生仲搞笑, 同佢玩持久戰!

 佢話個無聊人打黎, 又要禁電話, 不斷打黎, 又要禁又要聽, 做多好多嘢! 而佢就淨係禁一個唔聽嘅掣!

於是夜晩有一斷時間, 個電話又不停響之餘, 張先生都忙住不停禁, 佢搞笑到拖住地都拎住個電話禁熄個無聊人來電

 真係服咗佢...............

好彩夜晚瞓搞無打黎~~

以為事情告一段落, 丫.................. 今日12點零鐘又係咁打黎! 又係連繼call.........

 個無聊人係咪得閒成咁呀!

叫咗張先生去數碼通問下有無解決嘅辦法, 個店員同佢講話無辦法

 話最大機會係有人飛錯線........... 再唔係就報警解決! (尋晚張先生都話再係咁, 可以話做成滋擾報警處理, 不過為免浪費警力, 至打消呢個念頭)

隔咗個幾鐘又係咁打黎, 實在太令人煩擾啦!

  聽咗電話, 大家唔出聲, 佢等成秒至收線, 背景應該係係條街度! 條友收咗線又打黎, 又係唔出聲! 一打又連續幾個電, 實在頂佢唔順! 隔一陣打黎!!!

於是開聲以最快速度問佢 "你搵邊個" ???

 

丫......... 又係無出聲!

 不過問完之後, 到目前為止暫時無收到個無聊電話!

呢兩日大大話話總共都唔記得收咗幾多個來電呀! 個電話已經夠殘舊架啦~~ 再係咁落去電話都俾佢響壞呀! 希望個無聊人唔好再打黎!