同事所贈嘅BB衫

係剛過去嘅星期日都比較充實, 除咗焗蛋糕之外, 仲要執好間雜物房, 跟住睇下同事俾咗d乜嘢衫仔小寶寶! 睇下有無衫仔要買俾小寶寶呢~~

發現同事都俾咗好多件和尚袍, 有長有短, 應該都夠小寶寶頭一兩個月着! 因為同事個女黎, 所以有幾件係粉紅色女仔衫, 不過都唔緊要啦~~ 小寶寶咁細個, 都唔駛點分啦! hehe...... d BB衫細細仔, 好得意呀~~~

仲有兩張包被, 不過擔心9月時天氣都仲係熱, 張包被會厚得濟~~ 都唔知買唔買張簿d俾小寶寶出院用?!

自己就買咗兩件衫仔俾小寶寶等佢出院時着! 點解買兩件?! 初為人母嘅我, 都唔知9月嘅時候, 對小寶寶黎講係凍定熱, 咪買一件長袖一件短袖做準備囉~~ haha..... 同埋特價20蚊一件, 又唔貴!

又因為唔知小寶寶係咪大隻b, 所以都唔敢買其他衫仔俾佢, 等佢出咗世, 睇下佢有幾大舊至買囉~~

藉此同各位朋友仔講聲, 第時小寶寶出咗世黎探我同佢, 千期唔好買衫仔送俾小寶寶! 因為bb實在大得太快同埋着唔切咁多衫, 只會浪費呀! 都係送d實際d嘅好! haha......