藍莓榛子合桃鬆餅

近期愛上焗鬆餅! 好好味!

早排買咗d藍莓未食晒, 買咗包榛子粉又未用過, 上網搵下有無藍莓榛子鬆餅/蛋糕o既食譜, 搵到, 但係要用自發粉, 屋企又無自發粉, 又唔想落街買喎~~ 咁點好呢?!

於是, 用返之前小魚仔o既朱古力鬆餅食譜, 將朱古力粉轉做榛子粉, 牛奶轉咗用荳奶燕麥, 再額外加埋藍莓同埋合桃碎, 就咁試一試! 好好彩, 成功咗!

焗製中..........

剛出爐................

小寶寶, 我地又開餐啦~~~

 不過聞時好香榛子味, 但食就唔夠榛子味! 但整體都好正~~

張先生都話好味! 好鍾意d藍莓! 佢仲話整過咁多隻鬆餅, 最鍾意食係呢個呢~~