小寶寶爭d俾人坐偏呀!

11 June 2007

今朝返工搭火車排隊時, 我排係中間個行第二個, 前面有架bb車, 而bb媽咪就企咗係第一行第一個, 佢後面(即我隔離)有一名唔高嘅肥女人(都唔明, 等車個幾分鐘都等唔切, 拎部機出黎係咁打), 張先生就企咗係肥女人後面, 等到吉車黎時, 我咪跟住bb車入(早過肥女人入車箱), 向住目標進發啦~~

我揀咗第二個位坐 (第一個留返俾張先生醒水自己入坐), 我坐底都已經成秒鐘, 個肥女人竟然踩住我右腳, 仲要踩咗成一兩秒都無意識縮腳喎~~

跟住仲要想坐落黎!

 大姐呀! 我都已經坐咗係個位度兩三秒啦, 無理由睇唔到已經無位架~~ (我右邊已坐咗個男人, 左邊就張先生坐咗) 我想用手推佢, 但無理由用自己隻手推人pat pat架~~ 咁肉酸!

我咪出聲囉!  "無嘢呀麻~~ 咁都仲要坐落黎?!" (心諗, 對面有個位仲唔快d過去坐) 跟住個肥女子啤住我! (啤住我嘅同時, 對面個吉位已俾人坐埋) 

踩到我隻腳紅晒, 唔好意思都無聲, 仲要怒啤我呀! 一路行開一路啤! (大家咪互啤囉~~)

呢個咩世界呀~~~~~

 孕婦都唔止意人地讓坐俾我, 竟然仲要同孕婦爭位坐之餘, 仲想坐落孕婦度!

真討厭呀!!!!!!!!!!!

都唔知個肥女人係咪掛住打機, 隻眼掛住望部機, 老憑有位坐咁呀