孤獨晚餐

9 June 2007

下晝放咗工, 約咗好朋友影子去咗又一城八月花飲茶! 第一次係呢間飲茶, 環境好高尚, 但好貴! 兩個人食咗, 牛肉, 鬼馬牛肉腸, 梅菜糯米飯同埋叉燒包, 影子叫咗杯凍飲, 埋單14x蚊! 不過一次半次無所謂啦~~

食飽飽, 各散東西, 師奶仔嘅我, 去咗Taste閒逛, 睇下有咩啱買(其他店無行, 一來貴, 二來都唔啱依家孕婦身世嘅我~~) 之後就返屋企買餸, 今晚煮飯俾自己食!

呢個就係今晚嘅孤獨晚餐 (張先生要返工, 自己一個又唔想出街食!)

蒜蓉煎豬扒 (第一次整, 好成功呀! 好好味

 自己都忍唔住讚自己添~~ hehe... )

去到街巿, 驚個豬肉姨姨唔肯砍兩塊豬扒俾我, 買得多, 自己又食唔晒, 於是去咗惠康買, 係度諗緊買兩塊好定三塊, 兩塊又好似好肉酸咁, 於是決定買三塊!

個豬肉哥哥又好好人喎~~ 佢問我要梅頭定係唔知咩肉(我唔記得lu~), 我都唔識, 話買黎煎嘅~~ 個豬肉哥哥幫我左揀右揀, 揀舊林d喎~~ 揀完切好仲問我拍唔拍鬆佢添~~ 咁我緊係幾帶都唔好晒咗佢一番好意啦! 返到去唔駛自己拍麻~~ hehe...

果然佢果把無敵豬肉刀拍過後, 塊豬扒真係好鬆~~ (我諗應該有關) 下次買豬扒搵返佢至得!

到夜d, 就食咗係Taste買嘅士多啤梨! ($39.9有成12粒, 仲要係大大粒, 都甜呀! 當然不及日本個隻正啦~~)