媽咪靚糭

趁住端午節, 本來好想試下自己包糭食, 當問媽咪d材料要買幾多時, 佢就話熱c辣辣唔好包! 結果, 今年想試下包糭食嘅我, 就錯過咗呢個機會!

其實我係一個鍾意食糭嘅人, 不過就鍾意食咸肉糭! 仲要沾砂糖食! 正呀~~

媽咪今年就包咗健康糭, 點解叫做健康糭, 因為入面除咗糯米同綠豆之外, 仲加埋紫米入去! 舊肥豬肉變咗瘦豬肉! (都係肥豬肉好食d) 但係都係非常美味!

呢個就係媽咪靚糭啦~~ 我同張先生一人一個! 好味!