值得記念o既一晚

15 June 2007

這晚, 攤係床上(當然係側睡), 睇緊一本無聊得黎又幾搞笑o既公仔書時(傻kit今日借我睇彎彎塗鴉日記之可不可以不要上班) ...............

小寶寶突然郁得好強勁! 勁到成舊嘢係肚皮上凸起, 唔係一次咁簡單, 一連四次, 唔知係佢o既手仔定腳仔, 圓碌碌的! 好似一個小小山丘在肚皮上呀!

好神奇之餘又好得意, 好得意之餘都有點兒辛苦!

雖然辛苦, 但係都值得! 實在太... 奇妙啦!  終於第一次見到小寶寶郁到我肚皮都凸起呀!

可惜張先生返工, 無緣一看! 見小寶寶郁得咁犀利, 咪咋咋臨拎部相機, 打算錄底俾張先生睇, 點知小寶寶之後就無郁 ......

唔知小寶寶係咪都睇得開心, 所以郁得咁利害?! 還是我打側瞓, 令到佢唔舒服, 所以係度抗議呢?!