4 June 2007
張先生嘅姑姐同表弟從廣州黎咗香港探張老伯同埋睇下d姪(即係張先生幾兄弟), 於是尋晚同佢地食飯, 張二嫂一家都有黎食飯!
晚飯期間, 張老太話想當年馱住張先生時, 張先生好乖, 佢瞓時張先生又瞓, 郁得唔多! 出咗世又係好乖, 坐定定! (咁咪即係成嚿蕃薯咁 唉.............. 小寶寶似佢爸爸添~~ 又係唔多郁! 懶到爆! 唔係啦~~ 都係同小寶寶傾多d, 輔導下佢, 叫佢活動多d至得! 
)食飽飯, 散水前, 張老太問我係咪好少飲湯, 做乜個肚咁細?! 想當年佢馱仔時好大個肚! 但生出黎都係得個6磅幾咋~~~~~
之後就各散東西! 張先生嘅表弟黎咗我地屋企瞓, 結婚以黎, 第一次有外人係度瞓, 真係好唔慣, 要扮斯文! (平時攤晒係度坐架麻~~) 無計啦~~ 誰叫仲未有自己的家咩.......... 
...... 我心諗: 家陣42寸腰, 成150磅都叫做細?! 
我咪反駁佢囉~~ 人地就生都同我差唔多大咋! 跟住張老太無聲出!聽日要買返張六合彩至得! 話晒頭獎有2000萬, 博一博! 
小寶寶你俾d lucky你媽媽我啦~~ 中咗即刻買間又大又靚嘅屋你住! 你出咗世媽媽就可以亳不猶豫咁選擇唔做嘢, 專心湊你同你daddy! haha...... 
仲有可以幫你公公供甩層樓, 等佢唔駛咁辛苦! 
細???我覺得你肚好大營養好足tim
回覆刪除你個肚都差唔多大啦, 係因為你高大, 拉均唔覺者. 肚大又未必個bb大既者. 唔通佢想抱個巨嬰孫仔???
回覆刪除老人家係咁, 以為大就叫做好
回覆刪除冇錯!個肚大唔等於bb大...我姐姐同我同時間有,我肚細個佢,我最大個時有38寸腰,bb有7磅,姐姐大過我好多,但反而得6磅,而且佢肚裡面大部份都係水..... 所以唔需要谷bb呀,體型比例ok就得啦,巨b咪仲難生!!
回覆刪除二家姐: 張生唔會睇我blog架~~ haha...... 安妮媽媽: 我都認同你嘅講法呀!
回覆刪除其實太肥唔好架，我上網睇過話孕婦到生的時候體重比未懷孕時重二十五至三十磅就啱架啦，太肥其實無咁易生同生得辛苦唔好架，妳要同張老太講下，今時唔同往日。不過講開又講，啲奶奶通常都攞自己同個新抱比，我奶奶成日同我講，叫我唔好咁矜貴喎，佢話自己舊時做到生，一生完第二日又要開工，邊有而家好似我咁幸福，成日話唔舒服唔駛做
回覆刪除喬絲, d老人家唔記得咗年代已經唔同! 仲以為係舊時! 我奶奶咪成日講, 馱住亞邊個邊個時(佢有四個仔), 都係食蕃薯薯仔, 籮咁大都仲攞十幾斤柴返屋企燒! 我未有小寶寶都拎唔到十幾斤柴啦!
回覆刪除