3 June 2007
張先生要返工, 於是返咗娘家hea咗成日! 順便報拾下間房, dump晒唔要嘅嘢! 因為實在太多嘢積存係娘家啦~~ 再唔執下佢, 遲下小寶寶再大d, 天氣再熱d, 想執都執唔到!
同媽咪商量, 打算放完產假返娘家住4個月, 因為如果要餵媽媽奶的話, 係娘家住就最方便, 放工就返娘家, 唔駛騰黎騰去咁辛苦! 放假至湊埋小寶寶返屋企! 問佢到時俾xxxx蚊佢夠唔夠(差500蚊等如我半份糧呀!) 佢嘅答案係: 無話夠唔夠! 唉... 
答咗等於無答! 咁即係夠定唔夠呢?!
(佢話唔換就唔換啦!)
唉... 女人真係好麻煩! 好多意見! (包括我自己) (佢個陣時都唔興餵媽媽奶, 所以我同細佬妹都係飲奶粉大!) 
爸爸又問我小寶寶有無踢我, 佢話我果陣時係媽咪肚入面係踏得最犀利! haha...... 
原來我最活躍! 但點解我果陣時咁活躍, 小寶寶會咁懶嘅?! 
媽咪第一反應係話小寶寶似張先生! haha......
跟住又諗下住嘅問題! 快d有自己的家就好啦! 但到有自己的家時, 若果與娘家隔得遠, 小寶寶就無得成日返屋企! 到時又要顧埋張老太間屋, 又係一個負擔!
成日係咁諗諗諗, 究竟咩方案至係最好呢? 呢個方案又得唔得呢?! 同張先生講, 佢只會叫我唔好諗咁多, 屋就繼續申請!
心情唔多好, 臨返屋企前去買咗盒貴貴雪糕返屋企食! 舒緩下煩惱嘅心情! (其實有少少係藉口) 我都知道有咗小寶寶, 最好戒食生冷嘢架啦~~ 但無辦法啦! 好想食! (因為張先生係度嘅話唔會俾我買)
唔怕架, 我都食左 4 PACK HAGGAN DAZS 嘅 STRAWBERRY ICE-CREAM, 唸住今晚再買喇 坐月都真係唔好食喇....所以.....而家要食得就食 ^^^
回覆刪除你唔好擔心咁多啦, 琴晚你走左之後, 我比左好多意見佢地, 佢地都受落, 就係..........唔要個書柜同書台,（由你細佬負責刷左佢） 咁bb就可以大d, 如果張生係到瞓, 我都同佢地講都好ga, 咁熱鬧 .. i like！佢地思想可能係老一輩，慢慢就無問題． ｐｉｚｚａ 妹妹就等我安置佢啦！！ ｐｓ：我唔準你再擔心咁多啦！！ ｏｋ
回覆刪除放鬆 d 啦, 事情可以慢慢解決0既~~
回覆刪除我都成日食呢隻雪糕
回覆刪除Hi 幸福張師奶, 聽見你的問題後,又好似想返當時的我,現在有經驗了可以告訢你,首先bb出世前係買左自己野先,而bb方面你就買d必須品(牀,車,衫褲毛巾清潔用品食用品奶瓶等餵人奶都好多野要買)最重要同bb出街的用具,出世後就好多野買囉果時我太急都買左好多野無用到,到現在都未用(有d衫仔唔好著,尿片太鬆,奶粉唔啱食等都唔要得啦). 而我亦選擇放棄工作全職湊仔(起初諗住請工人湊)出生後太掛住個仔唔捨得唔放心比人湊(而我奶奶亦肯幫我湊但太遠我了和大家對湊仔有唔同方式太多爭辯,所以都放棄給她湊).而坐月方面最好還是近健康院好d,因bb一出世係成日都要去健康院的,(加上要有人幫手做飯做家務[起多家務]分擔工作)你才可專心照顧bb(因頭3個月最辛苦).如有問題可以問我架
回覆刪除哈哈，雪糕咋嗎，成日偷食，榴槤都係亁話，不過一次唔好食甘多，你甘大杯分幾次食。 不過真係唔俾得老公知，肯定又日鵝夜鵝，想起都驚。所以我通常趁佢回家前毀屍滅跡，哈哈。
回覆刪除你爸爸又幾開通個喎~~ 好好呀佢 張媽媽可能緊張你姐...其實你都大個女,又就快做人媽媽,你都可以揸主意加嘛~~係嘛? 吾好煩喇~~食杯ice甜番吓啦~
回覆刪除其實我想每個媽媽都會遇到不同的難題！最緊要有事慢慢相量，我想老一輩的都係唔明點解我哋要人奶，仲話麻煩！但唔好顧慮太多，因餵人奶係最好，雖然我奶奶都唔support,但我都堅持餵咗3個月！真係對BB好D！只是要返工後又比人湊BB後就餵唔到，但我都覺得有點可惜！不過我覺得只要儘咗力，餵到幾耐唔係問題！你若遇到什麼問題，可以大家研究下！
回覆刪除恭喜恭喜, 所有難題都已解決, 有你媽媽既悉心照顧(人地阿媽點都唔及自己阿媽 ), bb 一定肥肥白白呢, 你而家唔洗諗咁多, 保持心境開朗, 做個靚媽(其實你不嬲都係 !!!!)好期待見你個肥寶寶呢!!!
回覆刪除雖然我感受唔到你嘅感受, 但喺你屋企人一定會支持你架!!!
回覆刪除我都有食ICE CREAM呀~~~ 其實都係奶製品, 有營養咖~~~ 至於其他問題, 唔洗擔心咁多, 船到橋頭就OK咖喇~~~
回覆刪除ar lin: 我見好多孕婦都有食雪糕, 之不過我老公唔俾我食! ming: 佢地思想要改造下! haha...... 墨魚媽媽: 係呀! 凡事總有解決嘅辦法! 再唔係, 咪煮到埋黎就食! 仁: 真係好好味! 不過好貴! angel: 謝謝你嘅意見呀! 大寶: haha...... 原來巨寶都唔俾你食! 我一次唔會食好多, 食幾啖咋~~ 尋晚張先生已經知道盒雪糕嘅存在, 但佢都耐我唔何! 仲一齊食! hehe... 二家姐: 係呀! 食雪糕消暑兼舒緩下情緒! good! 子謙媽媽: 我都係咁話呀! 我會盡我所能去餵! 唔理其他人咁多囉~~ 最緊要係對小寶寶好麻~~ 靚靚鍾太: 我會架啦~~ 希望小寶寶唔好巨得濟~~ 珍珍: 佢地一定會支持嘅~~ 容乜易我唔俾個仔 (即佢地粒孫) 佢地湊架~~ 佢地應該懇咗好耐呢~~ haha....
回覆刪除Cary, 我都相信船到橋頭自然直呢個道理! haha... 想當年籌備結婚嘅時候都係抱住呢個宗旨!
回覆刪除其實媽咪肯幫你湊BB已經好好啦..仲可以返去坐月喎。爸爸又咁支持你，唔駛擔心啦! 好過我好多啦, 我都無人幫手, BB出世唯有請陪月咋!!之後就咩都要靠自己，連想問老人家一個意見都無呀!! 唔好諗咁多啦. 煮到埋黎就知點架啦!
回覆刪除我仲以為d長輩都主張用母乳餵BB添！因為以前媽咪、奶奶同老公個外婆都鼓勵我餵母乳架！ 咁母乳本身對BB有益，起碼坐月時餵都好過冇呀！ 身體狀況好，食少少雪糕冇問題架！何況天氣咁熱添！
回覆刪除貓貓: 我無得返娘家坐月呀! 俾媽咪拒絕咗! 佢話屋企有祖仙, BB啱啱出世SO亨亨唔好喎~~ 所以要留返係屋企坐月, 仲要分分鐘對住張老太成個月, 到時都唔知點算同點頂呀~~ 唉.... 小女人: 我諗係我出世個個年代D人唔興餵媽媽奶~~
回覆刪除我bb而家用緊張細bb床仔,只可以用到三個月,我想你年尾先生,如果你係o岩用既,我留比你啦~
回覆刪除