西田大減價

31 May 2007

西田大減價第一日, 放工同兩位同事一齊去, 我就乜都無買 , 只係視察下有咩買同埋個價錢, 睇中咗張bb床, 車仔就太多選擇, 唔知邊部正! 兩位同事就買咗好多嘢, 又枕頭, 又小朋友衫.........

1 June 2007

張先生放假, 於是放工時約佢去西田(少人過尋晚), 諗住買bb床同車仔, bb床大家都睇中03/baby個張, 而車仔就睇中兩部, 一部係Combi, 另一部係Aprica, 好難決擇, 兩部都各有好處! 兩部都有透氣功能, 價錢都係差唔多! 張先生將個決定權俾我

Combi個部夠晒colourful, 開收到好易, 一隻手抱住小寶寶, 另一隻手就可以收晒成部車! 但個seat位就好似窄咗少少!

其實我就鍾意Aprica果部多d, 可惜得灰色同粉紅色, 同埋開車容易收車難!

                               

由於張先生成晚心不在言, 成晚想早d返屋企溫書(唔急屎都唔開坑), 所以今晚都係無買任何嘢 

  一心諗住今晚去掃貨架麻~~ 但掃興就有我同小寶寶份! 真係嬲嬲地架~~ 諗住唔駛星期六同人迫架麻~~

2 June 2007

一大清早張先生就返公司刨書, 準備見board~~ 話12點幾見, 成點都未見佢打返黎! 到佢打黎都成點幾鐘! 搞到坐係屋企嘅我同小寶寶, 心情好似熱窩上的螞蟻咁

, 好心急想快d去西田買床仔同車仔架麻~~ 驚俾人買晒無貨咪大濟!

點知佢打返黎時話我知要返公司放底d嘢先

 又係要等等等, 點知等到佢成兩點幾至返黎接我一齊向西田出發! 急死我呢~~

去到西田, 果然係人山人海呀~~~~~

我地去揀咗bb車先! 最後都係決定揀部colourful同埋容易收車個部Combi~~

$2380(原價$29xx)雖然都叫做貴, 為咗小寶寶坐得舒服, 無計~

 $11xx (原價$15xx) 第呀!!! 送埋張4寸椰棕彈弓床褥!

本來蠢蠢欲動想買埋呢張多用途椅! 但最後都無買, 因為諗住等小寶寶出咗世至慢慢買都唔遲!

     $24xx (Combi)  or Aprica ($17XX)

另外, 買咗Nuk消毒奶瓶器($555) , 有兩個新款大奶樽同一個細! 仲有口水肩同幾包唔知咩?!

本來想係護協買舊奶樽個set, 平d之餘奶樽都多d, 但聽個sales姨姨講解新款同舊款嘅奶嘴分別時, 兩款個嘴都有氣孔排氣, 舊嘴係細d, 若bb個嘴大, 會好易吮住個排氣孔, 而新嘴大d, bb無咁易吮到個排氣孔!

張先生全無意見, 話由我決定! (佢又黎呢招) 行咗一轉, 諗咗一陣, 雖然新款奶樽貴過舊, 算啦~~ 最後都決定買咗佢!

仲買咗套床上用品俾小寶寶, 係Disney嘅Winnie the pooh! $36X蚊好第買呀!

另外有一套係casablanca嘅pooh pooh套裝, 一樣係一set八件, 賣399蚊, 但覺得質地唔多靚, 所以無買!

大出血呀! 買咗成四千幾蚊嘢呀~~ 家陣先至係起步! 好似仲有好多嘢未買俾小寶寶添呀~~ 小寶寶, 希望你鍾意我地買俾你嘅嘢啦!

除咗小寶寶大豐收之外, 張先生都有少少豐收呀! 佢買咗對波鞋呢~~ 160蚊, 好第! (唔捨得買Timberland, 唯有買住Leaveland着住先, hehe...... ) 仲有個水壺送添呀~~ 而我就乜都無買!  小寶寶, 你睇你幾幸福~~