星期日嘅晚餐

10 June 2007

落大雨, 同張先生去咗沙田睇 "加勒比海盜：魔盜王終極之戰"

坐咗成三個鐘, 坐到孕婦腰酸背痛加pat pat痛! 頭個3份2就頗悶, 因為交代好多嘢~~ 到尾部份開始打至好睇! 連小寶寶都聽得投入, 不停郁, 可能佢又係肚入面左手打右, haha......

不過就有點兒覺得可惜, 因為威廉同伊莎唔能夠係埋一齊

睇完戲, 去咗西田閒逛~~ 係超巿買咗d餸就回歸!

是晚靚餸有...............

薑汁芥蘭苗 (有機芥蘭苗, 第一次食, 同街巿買大棵d嘅差不多, 只不過呢隻係細棵)

西蘭花炒帶子 (帶子係西田買, 醃好咗嘅~~ 都幾好味)

仲有個蕃茄滾大眼雞湯! 上次實在煲得太失敗啦~~ 今次就好成功! 只不過滾咗半個鐘, 成功過上次好多................. 煲出黎色水都靚d呀~~

相信上次嘅失敗係因為條大眼雞唔新鮮同埋d蕃茄唔夠靚!