30 June 2007
今晚約咗幾位姊妹晚飯一聚, 好耐都無聚舊啦~~ 不過都係約唔齊人!
放咗工有空檔時間, 去咗旺角新世紀閒逛, 因為有張Chicco嘅coupon, 買300蚊減100, 於是去逛下有無嘢啱小寶寶!
入到去都無咩睇啱, 唯獨是鍾情掛係床仔度個個音樂氹氹轉! 好鍾意~~ (上星期睇<最緊要健康>個醫生話呢d氹氹轉唔會影響bb眼仔發展呢~~ 所以更加心郁郁)
原價568蚊, 個sales姐姐話今日最後discount, 338蚊! 搞到我好心郁郁....... 可惜特價貨品張coupon唔用得啦! 諗咗陣, 最後都決定買咗佢! 實在太鍾意! (唔知小寶寶會唔會好似盒上面個bb咁, 玩得咁開心呢?! haha...)
有四個可愛小動物小公仔係悠和嘅音樂下氹氹轉, 好得意!
有6種音樂, 3個唔會轉, 淨係播音樂! 另外有兩種一路播音樂, 一路轉! 仲有一種我好鍾意, 因為係聲控, 當禁咗個制, 若小寶寶喊, d公仔就會自動氹氹轉同播音樂!
當然我係買咗至話俾張先生知啦~~ 佢當然話我咁快買玩具做乜! 咁人地見第, 又鍾意麻~~ hehe... 所以佢都耐我唔何呢! hoho......
返到屋企急不及待拆開黎睇下佢work唔work先啦!
呢個氹氹轉有3個玩法, 當小寶寶細細個時就掛係床仔度俾佢望, 到大d識坐可以拆咗個氹氹轉, 淨係掛個主機係床邊俾佢禁, 到再大d就可以成個拆俾佢玩!
我都幾奇怪, 其他媽媽個個都急住買床仔買車仔買衫仔, 仲有其他物品, 而小寶寶嘅媽媽乜都未買俾佢, 淨係買玩具, haha....... 睇黎要開始買d實用品俾小寶寶至得啦!
好醒目既媽咪喎~~
回覆刪除我初時都買埋D唔等駛既嘢，例如一D佢根本出世時未會啱著既衫 。 到大約第七個月你就會的起心肝去買床買內衣架啦! 我尋日都喺新世紀喎....又係見到有個媽咪睇梗呢舊嘢，又係有一個sales姐姐喺度sell梗做特價，唔通果個係你?
回覆刪除有無追溏心風暴呀?有就快ｄ過嚟我度下咗溏心夜宴綵排 先啦！
回覆刪除哈...你又可以慳番d愛嚟買第二d嘢喇。
回覆刪除二家姐, haha........ 貪得意o既媽咪就真~~ 貓貓, 你係新世紀個時幾點呀? 我果時應該6點半左右! 你見到果個孕婦係咪短頭髮, 戴眼鏡, 着粉藍色衫架??? 若果係, 果個應該係我喎~~ hehe... 露絲, 我大睇呀! 你o既報導都好詳盡呀! 博博豬, 係呀! 係呀! haha......
回覆刪除啊!!可以拆出來玩,呢個設計幾好wor~~~ 我個b七個月大時(識坐&扶住D嘢),一手扯個轉轉公仔,之後成坐扯落嚟....而家就無擺個轉轉啦,只係拆D公仔俾佢玩lor....
回覆刪除可以拆開玩都幾好喎~~~
回覆刪除見到d咁可愛嘅bb玩具係好難忍手架!!!!!!!!!
回覆刪除恭喜你快做媽媽，你大住個肚最緊要小心呀
回覆刪除我睇到都好鐘意呀 ! 如果我係你都會買呀 ! 我最鐘意聲控果個功能, 幾好播 !
回覆刪除