報告喜事

15 Jan 2007

係張先生陪同下, 去咗張醫生度覆診! 証實只得一個小寶寶, 另一個長唔成, 得個胎囊, 總算鬆一口氣! 小寶寶已經六週大, 終於照到有心跳啦~~ 見到個電視熒幕有點白點閃下閃下, 原來就係小寶寶嘅心跳, 我同張先生見到, 感覺好得意, 好神奇, 好奇妙呀!

 

****************************************************************************************

17 Jan 2007

張先生將做爸爸嘅消息告訴張老太了! 雖然張老太已經有七個孫仔孫女啦, 相信佢都好開心呢~~

****************************************************************************************

18 Jan 2007

下晝同張先生下午茶時, 接到張老太嘅來電, 佢話佢去買餸! 結果, 我倆就係屋企等張老太回來!

張老太買咗山班魚、豬骨、合掌瓜、粟米煲湯, 煲出黎啖湯好清好甜呢~~ 都幾好味! 飲完覺得好舒服! 張老太話佢隔晚返黎煲湯俾我飲 

(心諗: 唔好啦掛?!) 當然口就唔會咁講啦, 加上張老太隻腳成日痛, 年紀漸老, 無謂要佢老人家咁頻撲, 咪同張老太講, 張先生咁得閒, 教佢買材料煲就得! 但張老太成日話教佢都唔識........

張老太成晚係度話, 個陣亞嫂陀d孫仔孫女時, 佢都成日煲呢個湯俾亞嫂飲, 飲到亞嫂同d孫仔孫女家陣肥肥白白喎~~ 希望小寶寶都會肥肥白白, 健健康康啦! 我就唔好肥肥啦, 白白好啦~~~ hehe.........

張老太又話張老伯知道之後好開心, 成晚係度同佢講生個豬仔俾佢湊............ (唔好啦掛~~

 張老伯都一把年紀七十幾歲, 自己都照顧唔到自己, 點去照顧小寶寶呢?!)