又見小寶寶啦~~

5 Feb 2007

今日下晝拎咗半日假, 因為要去張醫生度檢查, 張醫生話小寶寶依家9週大啦~~ haha...... 還是相信張醫生嘅判斷!

9週大嘅小寶寶已經同上星期嘅好唔同啦~~ 上星期係廣華照都係一個豆號咁嘅形, 今日睇見嘅小寶寶, 原來已經有手仔腳仔, 好得意呀~~ 亦好神奇! 只係相差幾日, 又會變得咁快!

醫生係度不斷講解畫面裡面嘅小寶寶時, 小寶寶隻手係度上下郁! 好似同我地say hi 咁

好奇妙呀! 原來咁細就已經識得郁喎~~ hehe...... 睇到我同張先生都好興奮呢~~ 自己咩唔舒服都特然忘記咗! haha.......

今日係好興奮, 好開心嘅一日呢~~

睇完醫生, 陪張先生去旺角閑逛, 無無聊聊咁! 家陣唔行得耐, 好易就好攰, 食飽飽就回家!