18 Feb 2007
今日係年初一, 娘家習慣初一全日都食齋嘅, 嫁入張家之後, 張老太話佢地初一不嬲都唔食齋, 食返之前一晩團年淨低嘅餸, 好在之前問定張老太, 所以託媽咪幫我買咗d齌, 放定係雪櫃做儲備! haha......
一早張老太就同張老伯拎埋d餸返咗自己屋企, 仲諗住瞓醒煮齋一齊食! 因為買埋佢地份量呢~~ 點知瞓醒佢地就返咗屋企!
今日嘅午餐有......
西蘭花伴齋雞 (本來係半邊雞樣黎嘅, 但我炒完之後, 排唔返個雞樣出黎, haha......)
蜜糖豆炒齋蟹柳魚片
煎年糕 (無煲飯, 以年糕代飯, haha......)
是日晚餐有......
蒜蓉西蘭花
粉絲節瓜
芋頭魚 (俾我唔小心, 整爛咗條魚尾, 變得唔靚添~~)
同午餐一樣, 蜜糖豆炒齋蟹柳魚片
沒有留言:
張貼留言