辦年貨

11 Feb 2007

趁住我同張先生都放假, 一齊去咗辦年貨, 其實都唔知算唔算係辦年貨嘅, 我地都係買咗少少貼係屋企做佈置嘅裝飾.........

兩隻可愛小肥豬......

福到年年有魚.......... (無開閃燈黑咗d添~~

)

仲有個有幾隻可愛豬豬嘅出入平安! 貼咗係門口, 無影到相!

買完呢d靚靚賀年裝飾, 我地就去咗"屈人寺"買糖果禮物, 等拜年時送俾親戚朋友.........

要做一位精明嘅師奶仔嘅我, 係前一日, 趁住張先生返工, 自己四圍去格價, 睇下想買嘅糖果係咩價錢, 行咗"慢零"、"為安"同埋"屈人寺", 發現價錢一樣, 但係"屈人寺"做緊優惠, 買滿100蚊減10蚊, 當然我呢個師奶仔無錯過機會, 係第二日拉咗張先生同我一齊去掃貨! hoho.......

 

買咗10盒朱古力同埋曲奇, 買咗四百幾蚊, 大拿拿平咗40蚊呢~~ haha......

去完"屈人寺"掃貨, 我地就去"為安"買咗2盒"樂加"杏仁糖, 因為媽咪鍾意呢~~~ Hehe......

跟住買埋豉油, 鹽, 粟粉, 蠔油......... 以便年三十晚食團年飯時, 大廚三哥有得用! 不過, 返到屋企至記得, 唔記得咗買油!!!

今日真係辛苦張先生囉~~~~~~ 一個人拎咁多, 重要唔係輕嘅嘢!