第一次煲粥

24 Feb 2007

今日又係得一個人係屋企嘅日子, 本來想返娘家, 點知爸爸媽咪有節目, 上深圳玩

 所以都係食自己! 又為今晚食d乜而煩惱, 結果, 決定煲粥食!

今次係第一次煲粥呢~~ 其實都唔算係第一次, 因為第一次係n年前嘅某日, 煲過一次"粥"俾病咗嘅張先生食, 點知個次煲粥變咗煲飯唔似飯粥唔似粥嘅所謂"粥". 因為個次唔識煲, 落咗好多米, haha...... 失敗之作!

今次就唔同呢~~ 得張先生同埋靚媽教路, 成功咗! hehe......

是晚靚粥 -- 雪耳粟米肉片粥 (煲得大煲得濟, 自己一個人食唔晒, 唯有留返聽日張先生食埋佢!)

再加碟上湯浸菠菜