哎吔...... 打敗仗呀!

22 Feb 2007

我同小寶寶打敗仗呀! 尋晚已覺得唔多妥, 頭痛痛的, wing wing地,

 今朝唔願起床, 周身骨痛, 心知不妙~~ 於是打電返公司請病假! 跟住告訴即將放工嘅張先生, 等佢返黎陪我食早餐睇醫生!

食飽飽, 睇咗醫生, 但無食藥! 雖然醫生話d藥唔會對小寶寶有影響, 但我就覺得可免則免, 不過都睇定醫生, 放d藥係屋企以備不時之需!

靚媽教落, 試下用檸檬沖熱水黎飲, 跟住就瞓, 想當年佢懷住恩恩同細佬都係咁就無事! 所以我就即管一試, 但係飲完又瞓唔着

 攤係張床度閉目養神咗一陣就叫下午茶外賣!

食飽到五點幾先瞓得着! 瞓到七點醒! 點知, 夜晚成晚瞓唔着.............................

今日張先生為小寶寶買咗第一樣嘢, 就係Hi-fi一部! 大拿拿九百幾蚊, 都幾貴下~~ 但為咗小寶寶有音樂聽, 無計啦~~~~~~