婚後第一個情人節

14 Feb 2007

情人節, 沒有特別嘅慶祝, 亦沒有特別嘅晚餐, 結果......... 係大家都諗唔到去邊度食?! 食乜好?! 嘅情況下, 最後還是係屋企附近食潮州菜當係慶祝!

今日通街都好多男男女女拎住一扎扎靚靚嘅鮮花呢~~ 今朝一早返工時, 路過花店, 一束束鮮花排到成條花龍咁呀~~ 勁!!!

今年情人節, 我一定無花收! 因為實在太唔化算啦~~ 叫咗張先生唔好買花俾我! 我鍾意收禮物多d, 不過就唔知有無!

有位同事結咗婚多年, 每逢佢嘅生日、情人節, 總會有扎花送黎公司, 佢老公真係好有心思, 好浪漫呢~~ 食晚飯時, 同張先生講咗呢件事, 佢話我講說話佢聽! 都係嘅~~ 我都係希望佢係往後嘅日子都會記得送禮物俾我! haha............

原本已抱着無禮物收嘅我, 張先生係火車站接我, 見到佢心上拎住袋禮物, haha..... 我估到係咩! 一定係我最鍾意嘅Precious Moments! 不過唔知係邊隻呢?!

食飽飽, 返到屋企, 張先生心急過我, 叫我拆禮物, 不過拆之前, 佢要我估下佢送咗邊個俾我! 我一諗, 應該係爸爸媽媽抱住BB個個, 因為我曾經同張先生講, 生咗BB之後, 要送呢個俾我! 所以我諗佢提早送俾我呢~~

點知.................. 原來係我恨咗好耐, 太貴, 唔捨得買, 勁鍾意嘅..............

點解我咁恨, 咁想要呢個?! 個時一出, 我覺得好有代表性呢~~ 因為我就好似公仔咁, 成日都係瞓係張先生大脾上面睇電視! 所以非常鍾意呢個公仔呢~~~~~ 今日終於俾我恨到啦! Haha......

而我一早已準備好送俾張先生嘅禮物, 亦趁住張先生沖涼時, 係佢唔為意嘅情況下, 掛住係掛毛巾嘅架上面, 等佢一沖完涼就發現份禮物! hehe....................

沖完涼嘅張先生, 笑咪咪咁走去我面前, 成個大細路咁款, 急不及待係度拆禮物呢~~ 佢當然係超開心啦! 因為呢個模型係佢恨咗好耐呢~~