年初三, 入東涌拜年

20 Feb 2007

年初三, 瞓醒食飽就入東涌同靚媽拜年! (小寶寶大姨媽, 因為靚媽話大姨媽層次高d, haha...

)

拜年之前, 我同張先生去咗東薈城睇<翻生朱羅館>, 都幾好笑! 睇戲前因為肚仔餓, 係睇戲時食咗個熱狗! 睇完戲, 肚仔又餓, 去"家家樂"食個叉燒瀨至上去靚媽屋企拜年! 小寶寶真係好大食呢~~~

我地上到去, 人類同小豪已經坐咗好耐呢~~ 我地去到無耐佢地就要走啦~~ 原來靚媽為我地準備咗豐富晚餐, 但係我地唔知呢~~ 人類同小豪都唔知, 但又要回家食飯, 所以得我同張先生好唔客氣地你靚媽屋企黐餐! hehe................

真係一餐好豐富嘅晚餐呢~~ 有鮑魚魚肚草菇扒生菜、魚伴黃金蝦、蒸臘腸(張先生至愛)同埋冬菇炆花膠! 仲有靚媽靚湯: 花膠鯊魚骨瘦肉煲雞湯! 呢個湯正呀! 果然係名不虛傳從"籠"底摷出黎煲嘅靚媽靚湯! haha......

  (掛住食, 唔記得影相黎念添~~)

靚媽~~~~~ 今餐好好味! 好滿足呀! 等你約下一餐呀!

甩底之王林sir同甩底之后靚麻麻同樣甩底!

沒想到小寶寶未出世都有利是收呀! 係佢嘅大姨媽, 即係靚媽俾佢架! haha...... 謝謝你啊~~