年初二返娘家

19 Feb 2007

因為張老伯同張老太勒令初一唔可以返娘家 =="" 所以初二至返得娘家! 我同張先生十一點返到娘家, 跟住就開餐食開年飯!

到一點左右, 去咗亞婆度拜年, 食第二餐開年飯! 每逄年初二去亞婆度, 成班亞姨舅父聚手一堂, 大家食盤菜! 今年亦不例外, 但因為太飽, 食咗少少就已經飽飽!

係亞婆屋企坐咗成個下午, 點幾食盤菜, 到三點左右食年糕蘿蔔糕再加湯丸! 一個下午食兩餐, 勁呀!

到五點幾就返娘家, 等食晚飯! 食過晚飯我地先返屋企呢!