26 Feb 2007
今日放咗工同張先生一齊去張醫生度覆診, 小寶寶已經12週大啦, 身長6.3cm, 比上次大咗好多啦! 而我比上一次重咗4磅! 不過醫生話胎盤底, 但有99%係會升返高! 唔怪得之咁耐以黎, 每晚瞓覺至少醒2次去toilet啦~~ 原來小寶寶仲未升得高, 仲壓位膀胱!
小寶寶唔單止大隻咗, 家陣有鼻仔、嘴仔、下爬仔、肝、胃, 仲有肋骨添呀! 但我淨係睇到佢嘅鼻仔、嘴仔、下爬仔同埋肋骨, 肝同胃成pet嘢咁唔識睇, 純綷張醫生話係就係, haha...... 小寶寶無咩點郁, 一隻手就好似報到咁舉起係頭仔側邊, 另一隻手就放係身體度, d手指仔係度開合, 好搞笑!
今次張醫生要度小寶寶頸皮嘅關係, 放到個畫面好大! 好勁呀! 真係照到頸後面有一層透明層, 就係度個層嘢黎判斷小寶寶患唐氏綜合症嘅機會有多大! 小寶寶一切正常, 個層透明層得0.15cm, 張醫生話如果超過0.3cm就要抽羊水檢驗架啦~~
唔知點解, 今次望住小寶寶, 俾我感覺佢似佢爹爹, 即係張先生! 檢查完之後, 同張先生去咗旺角逛咗一陣, 因為想買d孕婦衫褲(同事介紹我去睇), 果然係平過吉吉島好多呀! 尋日同張先生係吉吉島睇條孕婦褲都成490蚊, 超貴, 又普通又唔靚, 所以唔捨得買! 
因為見佢頭大大, 下爬兜兜地! hehe...... 絕綷個人望到佢之後嘅感覺! 張先生就話唔覺得!
但同事介紹個間都算第, 150蚊已經買到一條褲, 可以着到生為止! 結果買咗一條運動褲, 一條牛仔半截裙同埋一條連身裙, 再加兩條孕婦"un""un", 埋單都係四百幾蚊, 等如一條吉吉島孕婦褲呢~~
買完嘢, 食飽飽就返屋企!!!
所以都係食自己! 又為今晚食d乜而煩惱, 結果, 決定煲粥食!
今朝唔願起床, 周身骨痛, 心知不妙~~ 於是打電返公司請病假! 跟住告訴即將放工嘅張先生, 等佢返黎陪我食早餐睇醫生!
攤係張床度閉目養神咗一陣就叫下午茶外賣! 
)
(掛住食, 唔記得影相黎念添~~)
