攞咗啦! 攞咗啦!

今晚放咗工, 去咗做facial, 扮完靚靚見時間倘早, 橫掂返屋企會路經旺角搭巴士, 為免第二日又要晒多程車錢, 於是去咗金都攞婚紗鞋!!!

係檢查對鞋時, 發現鞋面同鞋踭位都污糟咗, 經老闆娘用油抺一抺之後, 好多都抺得甩, 另獨是右腳個隻右邊絲帶旁有少少污漬抺唔甩, 於是問老闆娘:「有無另一對?」

老闆娘:「每個碼得一對, d絲帶遮到!」 (但佢整極都唔得) 又話:「着咗之後人地睇唔到」

靚靚張師奶:「咁又係, 但係拎上手一睇就睇到呢~~~」

於是咪同老闆娘講:「老公好嚴尖架!!! 俾佢睇到實返黎咋你型呀!!!個日你都見佢同我一齊睇鞋啦~~」

老闆娘:「係呀~~ 好少男人睇嘢睇得咁仔細架!」

結果, 老闆娘一邊抺, 一邊話計我平d, 計平我20蚊, 我問佢又無得再平d, 佢攞住張單, 諗咗一陣, 就收平咗大拿拿28蚊, haha...... 

今次唔駛wei爛塊面講價就有得減, haha.......實在太好啦~~ (最討厭就係為咗十幾廿蚊同人講伵)

老闆娘最後一句:「返到去記住同你老公講, 收平咗, 唔好返黎咋我型, haha......」

總括而言, 呢檔鞋鋪雖然裝修簡陋, 唔同其他鞋店咁裝潢, 但係服務就幾好, 俾我感覺都幾good (其他個d俾我感覺唔多舒服, 硬係好黑店feel咁, hehe......)