聽日過大禮, 今日與張先生出旺角攞過大禮d嘢, 點知...... 原本打算放工(晏晝12點)與張先生回合, 點知張先生打黎話依家先出黎...... 
都係等45分鐘左右遮, 於是咪係公司度等佢~~
點知... 過咗10分鐘, 張先生打黎話去到攞車先知無帶車匙...... 都算, 無計......
見咁上下(都差不多過咗20分鐘), 打電問張先生去到邊, 佢竟然話部車撻唔着...
有無搞錯.................................................................. (張師奶開始好忟......)
於是唯有繼續等....... 最後, 張先生打電黎唔係話已搞掂, 係叫我返去佢個度先... 
... 又唔早d講, 搞到我白白浪費咗成個鐘.........
返去途中, 張先生才告訴我部車撻返着, 但係要去換電池..... 於是, 為咗省卻時間, 去到火車站就攞咗d糖餅同埋龍鳳餅先, 費事到時又要特登走返去個度攞~~~
搞黎搞去, 由上水去屯門(驗車+換電池), 中途去咗洪水橋洗車, 真係俾張先生激死, 已經晏架啦(三點左右), 又大把嘢未搞, 係都要洗埋部車先~~ 部車搞掂先出發去旺角, 去到個度又無位停車, 要停係隔離街, 唯有我去攞, 張先生留守車中(本來張先生叫我留守車中佢去攞o既~~)
好彩都唔重, 拎完就返返張先生屋企, 執定聽日要攞咩過我屋企, 點知....... 突然醒起, 租褂個度個位先生竟然執漏咗男女上頭用品無俾我....... 
於是拿拿臨打返電話同鄧太講返, 好彩佢話過完大禮之後去佢度攞返都無問題!!! 算啦~~ 錯有錯着啦~~
沒有留言:
張貼留言