寫菜單 ~ 免費篇

事前經過同事"fe fe人"指導, 準備咗一大張list用黎問酒樓經理嘅細節~~~ 足足兩版紙呢~~

茶介、加一個餐包晒, 酒水又包埋, 兩席一支VSOP, 所有瓶裝同埋罐裝飲品都免收開瓶費~~ 自來紅酒都免收開瓶費~~

瓜子、糖果、簽名筆、少量利是封都有提供! 仲有嘉賓提名簿, 不過本嘅就好娘~~

送一盤席前fruit punch或者5打西餅, 西餅都無咩人有興趣架啦~~ 除非係好精緻個d嘅遮~~ 個d普通西餅, 見到都唔多開胃, 結果都係揀咗fruit punch~~

麻雀耍樂就免收枱費, 不論開多少枱! 但係啤牌就要自備!!!

進場時會有一支香賓包埋, 同埋會提供假酒for敬酒時用! (有假酒都應該無乜用, 因為張先生d朋友同事實倒啤酒灌佢 )

仲有一個幾重要嘅問題, 就係如果有賓客飲醉酒 , 整烏糟咗地毯, 駛唔駛賠錢,

笑笑口嘅吳經理: 唔駛賠錢~~ 不過如果整爛咗嘢就要賠賞返~~

張師奶: 咁到時有人整爛咗嘢, 你地捉住佢, 叫返佢賠, hehe...... 唔好搵我地~~ hehe......

另外, 最遲要係12點交場, 因為到時商場d冷氣電梯會關晒~~~~~ 希望到時唔駛12點就搞掂啦~~

最正嘅係, 滿20席就有一晚酒店住宿送贈, 有四間酒店選擇: 帝都酒店、帝京酒店、黃金海岸同埋海逸酒店, 好就好在唔一定係婚宴個晚入住, 但係家陣仲諗緊好無婚宴個晩住, 仍然15/16...