又一個煩惱黎搵我啦.......

唉...... 尋晚張先生嘅朋友打俾佢, 呢個係同佢一齊出班嘅朋友仔, 呢個朋友仔好有心, 專登打電黎恭喜我地, 最奇怪係, 張先生都無通知佢我地幾時擺酒, 但佢竟然知道...... 原來"八"唔係女人嘅專利, 男人都一樣咁"八", haha......

點解會煩惱?!  

最初張先生打算請埋佢個班一齊出班嘅朋友仔飲, 點知...... 因為酒樓初初話最多擺到24圍, 家下又話得22圍, 同埋原本預咗兩圍俾爸爸請同事, 點知佢又叫咗30人, 多咗成半圍, 唉...... 結果咪"犧牲"咗張先生呢班朋友仔, 打算唔請佢地, 當無事發生囉 ~~

點知...... 事件原來已經曝光  (即係唔請唔得啦~~)

............................... 我就黎黐線啦~~~~~~~ day day都有個"驚喜"俾我

叫我點收科?! cut無可cut啦~~~

爸爸d同事又通知晒, 唔請唔得! 媽咪d朋友, 已經唔係請得多, 況且佢d好姊妹, 又係唔cut得!

自已d朋友, 請得個d都係好好好姊妹+好好好朋友, 普通朋友個d都已經唔請, 又係唔cut得!

張先生已經圍數唔多, 好多朋友都無請, 連佢嘅小學同學都"犧牲"埋, 淨係請咗d好好好朋友, 又係唔cut得! 家陣d同事, 又係唔cut得! 以前d同事, 佢地一齊共事咗多年, 好多都好friend, 又係唔cut得!

唉...... 原本諗住度好咗發23圍帖, 仲諗住個賓客表終於可以完工, 家陣睇黎又要度過~~

個班朋友仔都成20人, 唉...... 度好又點?! (雖然張先生話佢地唔會黎晒, 但都都預留一圍)

又擔心d帖信封唔夠!!! (因為之前印信封時, 有d請兩公婆變咗淨係請先生, 有d本來打算請最後決定唔請, 所以有d信封浪費咗~~~)

好煩惱呀~~~~~~~~~~~~~~~~~~~~