呢幾日開始印帖嘅信封人名啦~~ 印咗自己d朋友、同事先, 因為自己個d一定唔會有變, 但係張先生同埋爸爸d同事就仍有變數, 唔敢印佢地個d住, 真麻煩呢~~~~~
上星期爸爸終於俾咗d人名我啦, 點知...... 超出咗我嘅預算, 原本預佢兩圍請佢d同事, 點知...... 佢叫咗個同事問其他同事, 個個同事就四圍同人講, 結果, 成30人話會出席, 唉..................... 搞到原先打算請埋坐隔離左右唔同section同事嘅我, 要打消呢個念頭來迎合需要囉~~~
跟住尋晚, 爸爸又話廣州個表叔同表姑姐都會黎, 之前爸爸問過佢地, 一個話個日唔得閒, 另一個又話要返工, 點知...... 家陣又話黎~~~ 唉................................ 真係麻x煩呀 五時花六時變, 真係難以迎合佢地嘅極速變化心情呀~~~~~~ 
深圳個表叔仲離譜, 叫我細佬幫佢book酒店 -- 沙田帝都酒店, 話我細佬四百蚊可以搞得掂, 細佬又死蠢, 人話咩就咩, 四百蚊搞掂?! 四百蚊佢租到, 我俾四百佢幫我租返間住下~~ 痴線架~~ 個表叔仲唔係住一晚, 係住兩晚, 上網check過, 住兩晚最平都要$2500, 四百蚊搞掂?! 佢都傻傻地~~~ 洗人唔洗本, 租咗都唔知有無得收返呀~~~ 仲要租3間房先夠佢地~~~ 
已經多多樣嘢煩, 仲要煩佢地D住宿~~~~~~~~~~~~~~~~~~~~~~~~~~~ 
唔好放棄呀,呢個最後階段係最煩最多問題(由其係同父母) 因為請邊個飲好煩,同埋要係咁催佢地快 d confirm, 唔係既話,到派帖都未諗掂請邊個,一陣請請下 d 人又問,點解唔請埋阿邊個邊個,咁就越黎越多人 不過唔駛咁擔心既,船到橋頭自然直~ yeah~ 酒店方面...可唔可以話... 艾也,到帝都酒店full 晒呀~~ 帝都賓館得唔得呀? (四百蚊兩晚真係賓館都好"敏")
回覆刪除多謝小肥費你嘅鼓勵, 我會繼續努力!!! 永不言敗架!!! 我已經向爸爸媽咪落咗禁加人令架啦~~ haha......
回覆刪除我咪一樣,我老豆連20年前既波友佢都請呀 仲要係20幾年唔見,而家搵番人出黎請佢地飲呀 煩到嘔,我d名都未可以印呀 只可以印我朋友同埋老公d同事咋 唉....
回覆刪除下......咁耐無見嘅波友都請?! 真係多多位都唔夠佢地請呀~~
回覆刪除我都覺得請邊個飲係一件好煩o既事!就係叫我媽咪比要請o既人名list都攪o左好耐! 激死我呀! 第一次 媽咪就比o左張list我.......咁我咪照打入Excel入面囉! 好啦!咁佢 第二次 話加人我叫佢用第二隻顏色o既筆去寫囉!點知第二晚因為要去酒樓(原本以為要confirm圍數)........跟住媽咪又比o左另一張list比我...........由於佢無用第二隻顏色o既筆去寫........我又要從頭對一次! 點知又多o左d人出黎.......媽咪就話無理由請呀邊個又唔請呀邊架!跟住有幾個多o左o既人名.....有幾個人名o係第一張list出現過又唔見o左! 於是我咪問媽咪囉...........跟住佢話邊有多o者.....呢個咪即係呢個囉.............我"au"哂頭...........原來佢第一次寫老公個名............第二次寫老婆個名!我真係"啤"一聲!好彩問下o者........如果唔係咪又多o左2個位囉!呢度2個........o個度2個.............唉! (大姐呀!又唔係我d朋友我又點會知哂人地老公老婆個名先得架!) 真係煩死呀!我最頭痛係當日埋席時會有幾混亂呀!
回覆刪除