星期六, 與張先生上咗深圳, 目的只有一個, 就係幫張老太、張老伯同我亞麻攞佢地訂造嘅衫, 張老太個件上衫造咗出黎都幾靚, 相反亞麻個件就爭少少, 張老伯套西裝都ok, 攞完衫便返香港, 因為張先生要睇佢嘅馬仔 =.="""" (今次係有史以黎最快由深圳返港呢~~)
傍晚時份, 張老太返咗屋企, 我地咪攞佢套衫俾佢試, 佢一試上身就...........
張老太: 嘩~~ 個個人點做衫架, 咁窄嘅!!! 隻手舉高d都舉唔到呀! 有無搞錯呀?! 個條褲仲衰, 踎低都爆呔呀! 去租衫!
張先生: ...........................................................
張師奶(心諗): 唔係麻~~ 同你去造件衫都造咗成六百幾蚊, 家陣又唔鍾意, 又嚴三嚴四, 又話條褲踎低會爆呔, 個條褲個個裁縫姨姨都已經同你造到個褲浪鬼咁深, 配合返你架啦, 家陣又話踎低會爆呔, 到個晚唔係諗住踎係度麻?! 同埋加陣又話要去租, 加加埋埋咪仲貴過我租件晚裝?! 唔好玩啦.......... 
救命呀~~~~~~~~~~~~~~~~~~ 
結果, 唯有運用一d巧妙嘅說話, 黎說服一下張老太.....
張師奶: 都好靚丫, 又夠閃~~ 着咗人地一望就知係主人家! 可能因為你着唔慣修身嘅衫, 所以腰個度咪窄d囉~~ 不過修身d影相就靚d, 又無咁肥, 如果件衫濶騎騎, 咁就唔靚架啦~~ 唔緊要啦~~ 我地拎上去叫佢改返濶d, 個裁縫姐姐話唔啱可以拎返去改!
張先生打蛇隨棍上: 唔係丫~~ 着上身真係好靚喎~~ 修身仲靚啦~~
張老太: um....... 算啦, 都係個晚着個幾個鐘遮, 由佢啦............ 唔駛改啦~~
張老太話唔駛改, 當然不可信啦~~ 等埋亞麻個件睇下啱唔啱身先, 跟住先一次過攞上去改囉~~ (希望改到濶d啦) 好煩呀..................................................... 好彩張老伯係個無咩要求嘅人, 着得落就得!!!
呢排個心有時無啦啦會跳得好快, 唔知因乜解究呢?! 張老太呀~~ 我呢排心血少呀, 唔好再俾d刺激我啦~~ 我就黎頂唔順呢~~~~ 快d到12月3日就好啦, 咁我就唔駛再為婚事而煩惱~~ 
唔駛再有咁多人煩我, 淨係得返我煩張先生..... 
沒有留言:
張貼留言