無理取鬧(上)

話說前晚, 張先生去咗做副業, 執咗人地展覽完, 色彩繽紛用個杯仔裝住嘅爉燭裝飾擺設、透明玻璃花樽, 仲有新新淨淨嘅籐籃返屋企!

點知...... 尋日無返工嘅張老太(無返去佢自己屋企) 發現屋企有個箱, 摷咗裡面d嘢黎睇, 跟住夜晚張先生放工返到屋企, 就係咁俾人鬧, 搞到張先生好唔開心呢~~~

又點知............ 尋晚同張先生食咗飯返到屋企, 個時都十點幾, 張先生洗白白期間, 我係房入面執好張先生嘅"戰利品", 係呢個時候..............張老太從房中走出黎..............

 張老太: 個馬餾仔執d嘢返黎都唔知做乜?!

 正在用袋包好籐籃嘅張師奶: 哦~~ 可以第時用黎裝嘢麻~~

 張老太: 執d咁嘅嘢返黎有咩用丫?!

 張師奶: .......................

 張老太: 執d玻璃瓶有咩用?!

 張師奶: ............................................. (唔敢答佢用黎插花, 一陣費事d人話拜山咩, 又唔老禮)

 張老太: 乜你鍾意d咁嘅嘢嘅咩?!

 張師奶: ........................................................................................................

都唔知點答佢好囉~~ 唯有採取唔出聲嘅政策!

結果, 張老太係無可耐何之下, 返回佢自己嘅房間! 唉...

 

當然, 事後同張先生品告返事件嘅經過啦~~

其實, 都唔知為何張老太又動怒, 都只不過係一d裝飾用, 色彩繽紛, 又唔係白雪雪嘅爉燭; 只不過係一個普普通通、透明嘅玻璃花樽; 只不過係幾個新淨深啡色嘅籐籃, 就如此動怒~~ (其實仲有塊放係toilet, 都幾大塊下嘅鏡, 唔知佢有無見到)