Wedding Gowns Confirmed

尋日要去VL last confirm婚紗晚裝啦~~~ 不過有點兒唔開心呢~~ 因為睇中咗3件晚裝, 但3件係我big day個日都無期, 唉..................上次都見唔到有呢幾件!!! 真係無辦法, 唯有認命!!!

個3件晚裝之中, 一件係a-line, 深湖水綠色, 上身勁閃, 下身好plain, 但都有少少閃, 好靚架, 着到我好白, 可惜...... =.=

另一件係上面入膊嘅小鳳仙look, 勁閃, 下身就好plain, 有d似褂咁, 棗紅色, 用黎敬酒用一定無得彈, 可惜...... =.=

而另一件又係紅色, 叫做百子千孫, low-cut款, 全紅色, 裙腳有d金金地色嘅花花布, 都好靚, 腰旁掛咗串公仔, 好得意呢~~ 可惜......=.=

上次hold咗四件, 得一件無轉, 就係個件粉紅色勁閃傘裙, 好靚, 好閃, 成個公主咁, 張先生同我都好鍾意呢~~ 媽咪睇過都話好靚!!! 打算用黎迎賓同埋與賓客影相用!!!  好彩上次已hold呢件, 如果唔係, 分分鐘又無期, 咁就慘慘慘囉~~~~~

婚紗方面, 之前hold咗件入膊, 今次再試又覺得麻麻地, 試咗好多件, 但係都未合張先生心水, 因為佢想揀件白雪雪色嘅婚紗俾我, 覺得elegant d, 可惜個度唔係好多白雪雪色, 象牙色較多, 所以有點難度呢~~ 試咗好多件, 都忘了有多少件, 最後還是揀咗件拖尾, 後面有少少pou pou咁, 前面plain得黎都好閃嘅婚紗, 都幾elegant架~~~~

至於送客個套晚裝, 就揀咗件湖水綠色嘅直身裙, 有條閃閃粗帶掛頸款, 都好靚, 但當然不及揀唔到個條深綠色a-line款晚裝good啦~~~

而敬酒個件就最頭痛, sales姐姐Tinny揀咗件粉紅色, 前面唔算好特別, 但後面就大露背, 媽咪勁鍾意呢件, 佢話個背脊好靚喎~~ 但我就覺得麻麻地, 又由於已揀咗件粉紅閃閃晚裝, 所以還是揀另一種顏色!!!

最後, 就揀咗件紅色a-line, 同深湖水綠色個件一樣款, 只係顏色唔同, 同埋胸前有幾個公仔係度, 都ok唔差嘅, 不過還是小鳳仙個件特別d~~~ 無計啦~~~

自己個part總算完成~~~ 家陣就等last fitting (big day前兩至三星期)~~

至於媽咪, 第一次試衫呢~~ 初初有點不習慣, 成日話: 嘩...呢d咁閃嘅?! 閃得濟喎! 咁長嘅?!...... 佢試咗幾件閃閃媽咪衫, 可能因為佢唔高, 着咗之好好笨咁, 唔好睇, Tinny介紹咗兩件絨面嘅連身吊帶裙加, 一件黑色底加紅色花, 另一件深紫色, 比較後覺得黑色底紅花個件靚d, elegant d, 又後生d, 所以揀咗呢件俾媽咪~~ haha...... 媽咪呢part總算完成!!!

遲d要帶亞麻、老爺同埋奶奶上深圳造衫至得啦~~~ 呢排嘅假期真係忙碌呢~~