好失望

星期六, 同張先生上咗深圳睇相, 本來都好期待, 點知......結果卻有點失望!!!

外景相片影得好差, 沙灘同公園景都影得好普通過普通, 個攝影師取影好差, 一d都唔靚, 唔知點解別o既攝影師取景取得好好, 唉......真係黑仔呢~~~~~~~~

張先生向主管姐姐反映咗d外景相影得好差劣, 主管姐姐見張先生強調咗好幾次, 提議俾我地影過外景, 但我地拒絕咗佢o既好意呢, 因為影外景實在太辛苦啦, 又晒時間!!! (我地急住攞d相去做片頭呢~~ 仲叫我地影多輯, 我肯時間上都唔許可啦 =.=)

反而室內景都尚可接受, 婚紗look都影得唔差, 最重要係d泳衣印佢地會幫我執返, 好在我地今次影相o既主要目的係2張着婚紗o既油畫同埋影返多d婚紗(因為上次影得唔多靚, 所以揀咗好少), 而又影得幾靚, 如果唔係, 真係唔知點揀40張相囉~~

個褂look都影得幾好, 好得意呢~~~ 而皇妃look都幾好, 但唔係揀咗好多, 因為個攝影師影咗幾多黑白相, 但我地唔太鍾意黑白相, 所以好多無揀! 反而張先生o既許文強look個輯影得唔多靚, 所以又係唔係揀咗好多!

最失敗就係個輯晚裝相, 一張都無揀到, 實在影得唔靚, 好老土, 個髮型影出黎有點兒leung, 有d相又穿崩(露咗d底底邊出黎), 本來都揀咗4張, 但係減下減下o既情況下, 決定全輯都唔要(又因為上次影相時, 都揀咗幾多晚裝相, 今次呢輯又影得唔靚呢~~)

這天留係店入面揀相都揀咗好耐呢~~ 由一點鐘揀到成五點先走, 期間不斷咁篩選, 都忘了篩咗多少次~~

總共影咗二百二十幾張, 跟住篩淨百零張, 跟住再篩下篩下, 篩淨七十幾張, 跟住咪揀下相簿咁啦, 嘩......3本相簿轉數碼印相要加錢, 連埋多咗o既三十幾張相, 要加成一千二百幾蚊, 嘩嘩嘩..........乜都要加錢!!

之前影個間都唔係咁, 可能之前個間影o既係貴plan, 所以都唔駛點加錢!!! 而呢間就樣樣續d續d同你計 =.=""""""

諗下諗下, 還是再篩下d相, 橫掂之前都已經影咗一輯, 個度都好多相, 篩下篩下, 篩淨52張相, 跟住咪諗住係咁先, 點知, 個位服務員姐姐話, 多咗o既12張相唔會加入相簿, 要加錢轉數碼印刷先可以入冊, 個12張相只會就咁晒出黎俾, 你就咁晒俾我有咩用, 倒不如我自己拎去晒, 晒氣啦~~

諗下諗下, 我地志不在要多相, 為o既是兩幅油畫, 咪同佢講連個12張都唔加, o既然佢地乜都要加錢, 減淨package個40張算數, 相簿唔轉數碼印刷, 跟住個店員姐姐即轉口風話: 呀! 我睇漏咗你有本七吋相簿, 咁夠放晒d相入去!! 唓...係度扮晒嘢, 我一話唔要相就即刻轉口風!!! 係大陸消費就係咁~~~

家陣要等到下個月頭先有得攞相, 希望趕得切揀d相做片頭啦~~