深圳造衫記

星期六, 與張先生、亞麻、張老太、張老伯一齊上咗深圳, 與爸爸媽咪會合去羅記做衫, 媽咪係香港租咗衫, 所以唔駛做, 今次係三位老人家做衫呢~~~

我同張先生帶住三位老人家由上水出發往深圳, 真係好辛苦呢~~~~~~~  未試過上大陸上得如此辛苦, 一來佢地行得慢, 二來又驚佢地走失, 唔知去邊搵佢地, 三來佢地香港同深圳都無自動過關, 唯有要排隊等過關~~~

上到深圳, 與爸爸媽咪會合, 食飽飽之後, 一行十一人浩浩蕩蕩咁去羅記睇衫, 真係好煩, 做衫個兩位老人家又煩, 張老伯又有意見, 賣布個亞姐又煩!

亞麻又嫌d布唔靚, 大陸o既嘢唔方會靚得去邊啦, 但佢就要平靚正 =.=""" 張老太又兼d款唔靚, 佢鍾意個種布, 張生又覺得唔夠閃, 唉..... =.=""" 最後張生都順從張老太意願, 咁先無咁煩! 但張老伯又以為張老太做件旗袍, 又係度e e呀呀~~~ 唉...... 又要大費周章同佢講張老太唔係做旗袍, 係做件衫+褲!!! 對住佢真係勞氣呀!!!

揀好布, 到賣布個亞姐, 死都唔肯減價, 好不容易先減個啲啲, 張老太又話是旦, 結果淨係買布都買咗$450, 另外手工$160, 結果張老太一套衫(上身唐裝前面扣钮+黑褲)都做成$610蚊~~~ 希望手工真係靚啦~~

好彩姑姐一家同埋表叔都有一齊去, 佢陪亞麻去第二間揀, 亞麻終於揀到合佢心水o既唐裝look上衫, 而我、張先生同埋媽咪就幫張老太揀, 而張老伯套西裝都係同一間做($620), 費事煩!!! 一個星期後就做起, 到時要幫佢地去攞衫返香港呢~~~

度完身, 搞掂晒之後, 媽咪想睇下d鞋, 睇睇會唔會有d啱擺酒時着, 亞麻同張老太都睇埋一份, 係亂打亂撞o既時機下, 張老太攞咗對有d印度feel o既鞋仔, 上面有d珠仔, 又閃閃地o既鞋仔穿, 丫......佢又幾鍾意~~~ 大家都認同擺酒時着都靚, 亞麻見佢着得幾靚, 又揀咗對黎穿, 又好鍾意, 結果, 一人一對, 真係好, 又平($50@), 又靚, 難得佢地又鍾意, 又煩少一樣!  我同張生唔駛為張老太對鞋煩惱囉~~~

返到香港, 爸爸媽咪送亞麻回家, 而張老太同我地去咗買龍鳳鐲同頸鏈! 又跌返啦, 仲平過個次媽咪買個時呀~~ 家陣每両$5720, 平咗$30~~