十一黃金週

十一黃金週, 覺得深圳通街都係賊仔(之前上去都無d咁o既感覺, 今次感覺好強烈), 係我地離開婚紗店後, 路途中我望見前面有幾名男子企係度, 就即叫張先生小心個袋, 跟住有4名男子跟住我同張先生(我不以為意), 張先生好醒目地帶咗我入個大型商場企咗係度, 望返住個幾個人, 待個幾個人行咗上前, 我地就拿拿臨上的士離開現場!!!

跟住去咗紅桂路長城酒店側o既 "大灰狼" 晚膳, 都幾好味!!! 店入面o既佈置都好特別! 好有風格, 個餐牌都型過人, 有名堂架 -- 餓狼傳說!!! haha...... d菜名仲特別 -- 心太軟, 受盡煎敖, 鐵漢柔情......好special呢~~ d店員都好有中氣, 打聲好響亮呢~~~ 同佢地講嘢一定會覺得佢地好嘈呢~~ 可惜個度唔俾影相呢

間餐館個洗手間仲型, 寫咗好多notice, 有個好得意:

1) 女人帶胸圍犯咗咩罪?

2) 女人着底褲犯咗咩罪?

3) 男人着底褲犯咗咩罪?

大家估唔估到係咩罪呢???

食飽飽就坐的士走人, 這次係深圳俾我o既感覺不是太好呢~~ 跟住去咗羅湖商業城逛咗陣, 有朋友話個度有d結婚用o既鞋買, 睇過之後覺得好老土, 一d都唔靚, 還是返香港買吧~~