尋日陪爸爸造完西裝, 跟住佢地就返屋企, 而我同張先生四圍逛, 順便去買過大禮用品.
我地去返租褂個間店 -- 美華繡莊買過大禮用品, 個度有一set買, 包括一對椰子、一對檳榔、一包八涼果、一對龍鳳燭同埋一對對聯, 成set都係$150@, 男女各一都係$300, 都算幾第呢~~~ 買埋上頭用品, 男女加埋都係$80. 
另外, 順便買埋紅傘($29), 本來想買最平個把($16), 但張先生嚴唔靚, 我都無佢乎, 佢係都話買廿九蚊個把, 話靚d~~ 我最後都敵不過佢! 
仲有, 男女睡衣($87), 咕o臣($34), 茶具($65), 平底繡花鞋($49), 所有嘢加埋都都係$643, good good good 呀!!! 
全部嘢都未攞, 因為個兩set過大禮用品要訂, 未有得攞, 要等到過大禮之前一日先去攞, 到時先一次過攞晒所有嘢! haha...... 到時再post相出黎至得!!!
Hi......我係Emily呀@ Olive o既舊同事! 今日收到olive o既電話，佢問我買o左過大禮d野未!於是我問佢details，但係佢唔知!所以我咪黎留言囉! 我想問下我見你買o個set無包蓮藕...紅豆.......綠豆... 扁柏等，乜唔駛買架咩?另外仲有子孫桶呢? 唔好意思呀!問你咁多問題!因為我地而家睇到一間o係尖沙咀百利只係五百幾咋!要兩個禮拜前訂，所以想知個分別!
回覆刪除Welcome~~~ 大家互相交流交流, haha....... 首先恭喜你同你老公百年好合, 永結同心, 恩恩愛愛~~ 我個set嘢無包你所講個d, 但係佢都有另一d係for女家回禮俾男家個d糕點..., 但唔知包唔包埋你所講個d, 因為我唔駛你所講及嘅嘢, 所以無問! 或者你打電話or去店個度問下, 店資料如下: 美華繡莊 Tel: 23956532 (鄧太) 九龍旺角上海街625號地下(旺角地鐵站c2出口) -- 係朗豪坊對面, 好易搵架咋~~
回覆刪除唔該哂你呀!你真係好人! 我都祝你同你老公甜甜蜜蜜，開開心心，唔單止係靚靚張師奶...........仲係幸福張師奶! 不如我返去睇下佢包d咩丫..............再o係我blog度post........if i have time! 咁你而家有d咩忙緊呀???我都未係好緊張住!仲有兩個半月..........但係我仲係好肥呀!點算呀?有咩方法解決呀?
回覆刪除你買d野好平呀
回覆刪除haha...愛美麗, 謝謝你嘅祝福呀~~ 我淨返一個月零兩個禮拜就big day啦~~ 但係都未係好緊張!!! 就好多嘢好煩, 未諗掂, 例如婚宴播嘅歌仔、兄弟車啦、花球又未買、婚宴點樣先搞得好好睇睇唔悶場又未諗掂......
回覆刪除iaoiao, 唉...無蚊蚊丫麻~~~ 所以越平越好呢~~
回覆刪除haha...愛美麗, 謝謝你嘅祝福呀~~ 我淨返一個月零兩個禮拜就big day啦~~ 但係都未係好緊張!!! 就好多嘢好煩, 未諗掂, 例如婚宴播嘅歌仔、兄弟車啦、花球又未買、婚宴點樣先搞得好好睇睇唔悶場又未諗掂...... 至於減肥....... 我唔成功呢~~~ 做運動我又懶~~ 唯有食少d嘢~~ 但係食少d我又唔得, 會頭暈, 唉...... 唯有靠孖寶 -- girdle & 束腰褲幫助~~
回覆刪除你真係忙得甜呀
回覆刪除haha...... 煩到就黎癲至真~~
回覆刪除