28 June 2007
幾晚無食住家飯兼飲魚湯, 所以今晚又下廚~~
係研究今晚食乜新菜式時, 係Miss Jubie (http://hk.myblog.yahoo.com/jw!SHLegiaYBRW.jh2TWXtyCA--/article?mid=3928) 嘅blog度睇到 "金菇牛肉卷" 好吸引, 於是決定試下整!
好好味呢~~ 除咗金菇牛肉卷, 有我同張先生都好鍾意嘅 "蕃茄薯仔滾大眼雞湯" , 仲有焯菜心苗! 今次買咗支美味棧嘅蠔油試下, 都ok喎~~ 不過張先生掛住睇電視, 一邊睇一邊落蠔油去d菜度, 落到過晒龍 
不過d肥牛片真係貴呀! 買10片要成30蚊! 再加埋條27蚊嘅大眼雞, 呢餐要成六十幾蚊呢~~~ haha... 
係剛過去嘅星期日都比較充實, 除咗焗蛋糕之外, 仲要執好間雜物房, 跟住睇下同事俾咗d乜嘢衫仔小寶寶! 睇下有無衫仔要買俾小寶寶呢~~
發現同事都俾咗好多件和尚袍, 有長有短, 應該都夠小寶寶頭一兩個月着! 因為同事個女黎, 所以有幾件係粉紅色女仔衫, 不過都唔緊要啦~~ 小寶寶咁細個, 都唔駛點分啦! hehe...... d BB衫細細仔, 好得意呀~~~ 仲有兩張包被, 不過擔心9月時天氣都仲係熱, 張包被會厚得濟~~ 都唔知買唔買張簿d俾小寶寶出院用?!
自己就買咗兩件衫仔俾小寶寶等佢出院時着! 點解買兩件?! 初為人母嘅我, 都唔知9月嘅時候, 對小寶寶黎講係凍定熱, 咪買一件長袖一件短袖做準備囉~~ haha..... 同埋特價20蚊一件, 又唔貴!
又因為唔知小寶寶係咪大隻b, 所以都唔敢買其他衫仔俾佢, 等佢出咗世, 睇下佢有幾大舊至買囉~~
藉此同各位朋友仔講聲, 第時小寶寶出咗世黎探我同佢, 千期唔好買衫仔送俾小寶寶! 因為bb實在大得太快同埋着唔切咁多衫, 只會浪費呀! 都係送d實際d嘅好! haha......
23 June 2007
今朝一早起床, 同張先生去廣華聽<分娩的認識>講座! 為咗張先生有機會入產房陪產, 唔上唔得呢~~
遲咗5分鐘左右至到, 但都已經差唔多座無虛席! 座係後排o既我地, 睇唔到個screen, 只係聽姑娘講, 加上未瞓夠, 所以都頗眼瞓呀~~
不過上完都有得着o既~~ 姑娘講咗入院要準備d乜, 陣痛時有咩舒緩o既方法, 介紹咗三種止痛方法等等! 聽完講座, 每位孕婦都有份小禮物!
希望小寶寶出世時, 痛十幾個鐘真係預咗, 希望痛完能夠順產, 唔駛痛一大輪結果要開刀至生到小寶寶啦!
聽完講座, 食飽飽, 去咗護協買入院用品同小寶寶用品! 要開始發力做準備啦~~ 遲下肚子再大, 真係唔願行! 因為家陣都唔多願行呀!
刨薑皮都不特止(呢個必做), 媽咪仲話洗完d薑, 要白鑊烘乾佢??? 結果, 媽咪話今個星期日黎幫我煲! haha...... 咁我就唔駛煩! (加上媽咪煲一定好味過張老太煲, hehe......)
